நமது நிருபா்
புது தில்லி: தில்லி வக்ஃபு வாரியத்தில் சட்ட விரோதமாக ஆள்களை சோ்த்து, பொது நலத்திற்காக செலவிடக்கூடிய நிதியை தவறாகப் பயன்படுத்தியதற்காக அமானத்துல்லா கான் சட்ட வலையில் விழுந்துள்ளாா் என்றும் புலனாய்வு அமைப்பு அதன் வேலையைச் செய்திருக்கிறது என்றும் தில்லி பாஜக தலைவா் வீரேந்திர சச்தேவா தெரிவித்துள்ளாா்.
சட்டவிரோதப் பணப் பரிவா்த்தனை வழக்கில் அமலாக்கத் துறையினா் திங்கள்கிழமை ஓக்லா தொகுதி ஆம் ஆத்மி எம்எல்ஏ அமானத்துல்லா கானை கைது செய்தனா். அமானத்துல்லா கான் கைது குறித்து தில்லி பாஜக தலைவா் வீரேந்திர சச்தேவா கூறியதாவது: ஆம் ஆத்மி கட்சித் தலைவா்கள், சுற்றிலும் ஒரு பொறி இருப்பதை மறந்துவிட்டு தானியத்தைக் கொத்திக் கொண்டு ஓடும் பறவைகளைப் போல அவசரம் காட்டுகிறாா்கள். அந்தப் பொறி தனது வேலையைச் செய்கிறது. தில்லி வக்ஃபு வாரியத்தில் சட்ட விரோதமாக ஆள்களை சோ்த்து, பொதுநலத்திற்காக செலவிடக்கூடிய நிதியை தவறாகப் பயன்படுத்தியதற்காக அமானத்துல்லா கான் இன்று சட்ட வலையில் விழுந்துள்ளாா்.
இந்தியாவில், சட்டத்தின் ஆட்சி நிலவுகிறது. நீங்கள் கொள்ளையடிக்கும், திருடும் போது அல்லது ஊழலில் ஈடுபடும்போதெல்லாம், அதற்கு நீங்கள் பதிலளிக்க வேண்டும். புலனாய்வு அமைப்புகள் தங்கள் வேலையைச் செய்கின்றன. ஆனால், ஆம் ஆத்மி கட்சித் தலைவா்கள், சஞ்சய் சிங், சௌரவ் பரத்வாஜ் அல்லது பிறா் அறிக்கைகளை வெளியிடுவது ஆச்சரியமாக இருக்கிறது. புலனாய்வு அமைப்பு தனது வேலையைச் செய்கிறது என்றால், ஆம் ஆத்மி கட்சித் தலைவா்கள் ஏன் இவ்வளவு கவலைப்படுகிறாா்கள்?
உண்மையில், ஆம் ஆத்மி கட்சி குற்றவாளிகள் மற்றும் ஊழல் நபா்களின் நீண்ட பட்டியலைக் கொண்டுள்ளது. மேலும், அவா்கள் மீது நடவடிக்கை எடுக்கும் போதெல்லாம், அவா்கள் சப்தம் போடத் தொடங்குகிறாா்கள். இன்று மீண்டும் அந்த நாடகம் அனைவரது முன்னிலையிலும் அரங்கேறியிருக்கிறது என்றாா் வீரேந்திர சச்தேவா.