பாகிஸ்தானுக்கு எதிரான டெஸ்ட் தொடரைக் கைப்பற்றியதன் மூலம் உலக டெஸ்ட் சாம்பியன்ஷிப் தரவரிசையில் வங்கதேசம் 4-வது இடத்துக்கு முன்னேறியுள்ளது.
பாகிஸ்தான் மற்றும் வங்கதேச அணிகளுக்கு இடையிலான இரண்டாவது டெஸ்ட் போட்டி இன்றுடன் (செப்டம்பர் 3) நிறைவடைந்தது. இரண்டாவது டெஸ்ட் போட்டியில் வங்கதேசம் 6 விக்கெட்டுகள் வித்தியாசத்தில் பாகிஸ்தானை வீழ்த்தியது.
டெஸ்ட் போட்டிக்கு நாங்கள் இன்னும் தயாராகவில்லை: பாகிஸ்தான் கேப்டன்
இந்த வெற்றியின் மூலம், 2 போட்டிகள் கொண்ட டெஸ்ட் தொடரை வங்கதேசம் முழுமையாக கைப்பற்றியது. இரண்டாவது டெஸ்ட்டில் சிறப்பான ஆட்டத்தை வெளிப்படுத்திய லிட்டன் தாஸுக்கு ஆட்டநாயகன் விருதும், தொடர் முழுவதும் சிறப்பாக செயல்பட்ட மெஹிதி ஹாசன் மிராஸுக்கு தொடர் நாயகன் விருதும் வழங்கப்பட்டது.
உலக டெஸ்ட் சாம்பியன்ஷிப் தவரிசை
பாகிஸ்தானுக்கு எதிரான டெஸ்ட் தொடரை 2-0 என முழுமையாக கைப்பற்றியதன் மூலம், வங்கதேசம் டெஸ்ட் சாம்பியன்ஷிப் தரவரிசையில் முன்னேற்றம் கண்டுள்ளது. டெஸ்ட் சாம்பியன்ஷிப் தவரிசையில் வங்கதேசம் 45.83 சதவிகித வெற்றிகளுடன் 4-வது இடத்தில் உள்ளது. பாகிஸ்தான் அணி 19.05 சதவிகித வெற்றிகளுடன் 8-வது இடத்தில் உள்ளது.
Bangladesh shot up to fourth in the #WTC25 standings after their series win over Pakistan
Standings : https://t.co/BcdeGlTz8E#WTC25 | #PAKvBANpic.twitter.com/lEhld8YJIS— ICC (@ICC) September 3, 2024
இந்திய அணி 68.52 சதவிகித வெற்றிகளுடன் முதலிடத்திலும், ஆஸ்திரேலிய அணி 62.50 சதவிகித வெற்றிகளுடன் இரண்டாவது இடத்திலும் மற்றும் 50.00 சதவிகித வெற்றிகளுடன் நியூசிலாந்து அணி மூன்றாவது இடத்திலும் உள்ளது குறிப்பிடத்தக்கது.