ஐ.எஸ்.எல். கால்பந்து: சென்னையின் எப்.சி. அணியில் நைஜீரியா வீரர்

சென்னையின் எப்.சி. அணியில் நைஜீரியாவை சேர்ந்த டேனியல் சிமா சுக்வு 2 ஆண்டுக்கு ஒப்பந்தம் செய்யப்பட்டுள்ளார்.

சென்னை,

இந்தியன் சூப்பர் லீக் (ஐ.எஸ்.எல்.) கால்பந்து தொடரில் பங்கேற்கும் அணிகளில் ஒன்றான முன்னாள் சாம்பியன் சென்னையின் எப்.சி. அணிக்கு நைஜீரியாவை சேர்ந்த டேனியல் சிமா சுக்வு 2 ஆண்டுக்கு ஒப்பந்தம் செய்யப்பட்டுள்ளார்.

முன்கள வீரரான 32 வயதான டேனியல் சிமா 2024-25-ம் ஆண்டு சீசனுக்காக சென்னை அணியில் இணையும் 4-வது வீரர் ஆவார். முன்னதாக அவர் ஜாம்ஷெட்பூர் எப்.சி. அணிக்காக விளையாடி வந்தார்.

அவர் ஐ.எஸ்.எல். தொடரில் இதுவரை 60 ஆட்டங்களில் ஆடி 20 கோல் அடித்திருப்பதுடன், 4 கோல் அடிக்க உதவியும் புரிந்துள்ளார்.