நடிகர் விஜய் – வெங்கட் பிரபு கூட்டணியில் உருவான கிரேட்டஸ்ட் ஆஃப் ஆல் டைம் (கோட்) திரைப்படம் செப்.5ஆம் தேதி திரையரங்குகளில் பிரம்மாண்டமாக வெளியானது.
கோட் படம் திரைகளில் வெளியாகி முதல் நான்கு நாள்களில், ரூ. 288 கோடி வசூலித்துள்ளதாக படக்குழு தெரிவித்திருந்தது.
கோட் திரைப்படத்தினால் தெலுங்கு விநியோகஸ்தர்களுக்கு ரூ.13 கோடி நஷ்டம் ஏற்பட்டுள்ளதாக ஆங்கில ஊடகங்கள் தகவல் தெரிவித்திருந்தன.
பேட்ட ராப் பாடல் ரீமிக்ஸ்..! ரிலீஸ் தேதி அறிவிப்பு!
இந்நிலையில், 13 நாள்களில் கோட் திரைப்படம் ரூ.413 கோடி வசூலித்துள்ளதாக படக்குழு அதிகாரபூர்வமாக அறிவித்துள்ளது.
லியோ திரைப்படம் ரூ.600 கோடிக்கும் அதிகமாக வசூலித்தது குறிப்பிடத்தக்கது. லியோ வசூலினை கோட் முறியடிக்குமா என்ற கேள்வி ரசிகர்களிடையே எழுந்துள்ளது.
கோட் படத்தில் விஜய்யுடன் சிநேகா, பிரசாந்த், பிரபுதேவா, மோகன், அஜ்மல், யோகிபாபு நடித்துள்ளார்கள். பாடலுக்கு த்ரிஷா நடனமாடியிருப்பார். சிவகார்த்திகேயன் சிறிய கதாபாத்திரத்தில் நடித்திருந்தது குறிப்பிடத்தக்கது.