சிக்கிம் மாநில முதல் மந்திரியாக பதவியேற்றார் பிரேம் சிங் தமாங்

காங்டாக்,

சிக்கிம் மாநில சட்டசபையில் மொத்தமுள்ள 32 தொகுதிகளுக்கான தேர்தல் சமீபத்தில் நடைபெற்றது. இந்த தேர்தலில் பதிவான வாக்குகள் கடந்த 2-ந்தேதி எண்ணப்பட்டு முடிவுகள் அறிவிக்கப்பட்டன. தேர்தல் முடிவில் ஆளும் சிக்கிம் கிராந்திகாரி மோர்ச்சா கட்சி 31 இடங்களில் வெற்றிப்பெற்று ஆட்சியை தக்கவைத்தது.

இதனை தொடர்ந்து, அக்கட்சியின் தலைவர் பிரேம் சிங் தமாங், 2-வது முறையாக முதல் மந்திரியாக பொறுப்பேற்பார் என தெரிவிக்கப்பட்டது.

இந்த நிலையில், சிக்கிம் மாநில முதல் மந்திரியாக 2-வது முறையாக பிரேம் சிங் தமாங் இன்று பதவியேற்றுக்கொண்டார். அவருக்கு கவர்னர் லக்ஷ்மண் பிரசாத் ஆச்சார்யா பதவிப் பிரமாணமும், ரகசிய காப்பு பிரமாணமும் செய்து வைத்தார். தொடர்ந்து அவரது மந்திரி சபையில் உள்ள பிற மந்திரிகளும் பதவியேற்றுக்கொண்டனர்.