நடப்பு டி20 உலகக்கோப்பை தொடரில் தென் ஆப்பிரிக்கா அணி விளையாடிய அனைத்து ஆட்டங்களிலும் வெற்றி பெற்றுள்ளது.
டிரினிடாட்,
நடப்பு டி20 உலகக்கோப்பை தொடரின் முதலாவது அரையிறுதி ஆட்டத்தில் ஆப்கானிஸ்தானை வீழ்த்தி தென் ஆப்பிரிக்கா இறுதிப்போட்டிக்கு முன்னேறி வரலாறு படைத்துள்ளது.
தென் ஆப்பிரிக்கா அணி இதுவரை விளையாடிய 8 போட்டிகளிலும் ( லீக், சூப்பர் 8 மற்றும் அரையிறுதி சுற்றுகள்) வெற்றி பெற்று, தோல்வியே சந்திக்காமல் இறுதிப்போட்டிக்கு முன்னேறியுள்ளது. இதன் மூலம் டி20 உலகக்கோப்பை வரலாற்றில் தோல்வியே சந்திக்காமல் தொடர்ந்து அதிக வெற்றிகள் பெற்ற அணிகளின் மாபெரும் சாதனை பட்டியலில் ஆஸ்திரேலியாவை சமன் செய்துள்ளது.
அந்த பட்டியல்:
1. தென் ஆப்பிரிகா / ஆஸ்திரேலியா – 8 வெற்றிகள்
2. இங்கிலாந்து / இந்தியா – 7 வெற்றிகள்
டி20 உலகக்கோப்பை வரலாற்றில் முதன் முறையாக இறுதிப்போட்டிக்கு முன்னேறி உள்ள தென் ஆப்பிரிக்கா அதிலும் வெற்றி பெற்றால் ஆஸ்திரேலியாவை முந்தி முதலிடம் பிடிக்க முடியும் என்பது குறிப்பிடத்தக்கது.