0
பாகிஸ்தான் இங்கிலாந்து அணிகள் மோதிய முதல் டெஸ்ட் போட்டி கடந்த அக்.7ஆம் தேதி தொடங்கியது. இந்த ஆட்டத்தில் பாகிஸ்தான் 556 ரன்களுக்கு முதல் இன்னிங்ஸில் ஆட்டமிழந்தது.
இங்கிலாந்து முதல் இன்னிங்ஸில் 9 விக்கெட்டுகள் இழப்புக்கு 823 ரன்கள் குவித்து வியாழக்கிழமை ‘டிக்ளோ்’ செய்தது.
இதையடுத்து, 2ஆம் இன்னிங்ஸை விளையாடிய பாகிஸ்தான் அணி 220 ரன்களுக்கு ஆட்டமிழந்தது.
இதன்மூலம் இன்னிங்ஸ் மற்றும் 47 ரன்கள் வித்தியாசத்தில் இங்கிலாந்து அபார வெற்றி பெற்றது.
ஜேக் லீச் 4 விக்கெட்டுகள் வீழ்த்தினார். பாகிஸ்தான் சார்பாக அதிகபட்சமாக அஹா சல்மான் 63, ஆமிர் ஜமால் 55 ரன்கள் எடுத்தார்கள்.
ஹாரி புரூக் ஆட்ட நாயகனாக தேர்வு செய்யப்பட்டார். பாகிஸ்தான் அணி தனது சொந்த மண்ணில் மோசமான தோல்வியை சந்தித்தது.