வீர தீர சூரன் படத்தின் தமிழக வெளியீட்டு உரிமை குறித்து அறிவிக்கப்பட்டுள்ளது.
சித்தா படத்தின் இயக்குநர் சு. அருண்குமார் இயக்கத்தில் நடிகர்கள் விக்ரம், எஸ்.ஜே.சூர்யா, சுராஜ் வெஞ்சரமூடு நடிப்பில் உருவாகிவரும் திரைப்படம் வீர தீர சூரன்.
இரு பாகங்களாக உருவாகும் இந்தப் படத்தின் படப்பிடிப்பு மதுரையில் வேகமாக நடைபெற்று வருகிறது. தங்கலான் கொடுத்த வெற்றியால் விக்ரமின் வீர தீர சூரன் மீதும் எதிர்பார்ப்பு எழுந்துள்ளது.
இதையும் படிக்க: ஜெய் ஸ்ரீராம் பயங்கரவாதமா? மீண்டும் சர்ச்சையில் சாய் பல்லவி!
முன்னதாக, இப்படத்தில் 18 நிமிட சிங்கிள் ஷாட் காட்சி இடம்பெற்றிருப்பதை நடிகர் சுராஜ் வெஞ்சரமூடு தெரிவித்திருந்தார்.
இந்த நிலையில், படத்தின் சில நொடி டீசர் காட்சியை வெளியிட்ட தயாரிப்பு நிறுவனம், வீர தீர சூரனின் தமிழக வெளியீட்டு உரிமையை ஃபைவ் ஸ்டார் கே. செந்தில் பெற்றிருப்பதை அறிவித்துள்ளது. இப்படம் நவம்பர் மாதம் வெளியாகவுள்ளது குறிப்பிடத்தக்கது.