ஹிப் ஹாப் ஆதி நடித்துள்ள ‘கடைசி உலகப் போர்’ படத்தின் பர்ஸ்ட் லுக் போஸ்டர் வெளியாகியுள்ளது.
சென்னை,
ஹிப் ஹாப் ஆதி, சுந்தர் சி இயக்கத்தில் விஷால் நடிப்பில் வெளியான ஆம்பள திரைப்படத்தின் மூலம் இசையமைப்பாளராக தமிழ் சினிமாவில் அறிமுகமானார்.பின் தனி ஒருவன், ஆம்பள, வணக்கம் சென்னை, கதகளி, கவண், இமைக்கா நொடிகள், அரண்மனை போன்ற பல படங்களுக்கு இசையமைத்ததன் மூலம் ரசிகர்கள் மத்தியில் பிரபலமானார்.
கடந்த மே மாதம் வெளியான அரண்மனை 4 திரைப்படத்திற்கும் ஹிப் ஹாப் ஆதி இசையமைத்திருந்தார். அதேசமயம் நடிப்பதிலும் ஆர்வமுடைய இவர் மீசைய முறுக்கு என்ற திரைப்படத்தின் மூலம் கதாநாயகனாக உருவெடுத்தார். அதைத் தொடர்ந்து நட்பே துணை, வீரன் போன்ற படங்களிலும் நடித்தார். கடைசியாக ஹிப் ஹாப் ஆதி நடித்திருந்த பிடி சார் திரைப்படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் பெரும் வரவேற்பு பெற்று மிகப்பெரிய வெற்றி படமாக அமைந்தது.
தற்போது ஹிப் ஹாப் ஆதியின் புதிய படம் குறித்த அறிவிப்பு வெளியாகியுள்ளது. அதாவது ஹிப் ஹாப் ஆதி கடைசி உலகப் போர் எனும் புதிய படத்தில் நடிக்கிறார்.
போர் சம்பந்தமான கதைக்களத்தில் இந்த படம் உருவாகிறது. இந்த படத்தை ஹிப் ஹாப் ஆதி ஹிப் ஹாப் தமிழா என்டர்டெயின்மென்ட் நிறுவனத்தின் மூலம் தானே தயாரித்து இயக்குவதோடு மட்டுமல்லாமல் படத்திற்கு இசையமைக்கவும் செய்கிறார். 'கடைசி உலகப் போர்' படத்தின் பர்ஸ்ட் லுக் போஸ்டர் தற்போது வெளியாகி சமூக வலைதளங்களில் ரசிகர்களால் அதிகம் பகிரப்பட்டு வைரலாகி வருகிறது. மிகவும் வித்தியாசமான போஸ்டராக இது அமைந்துள்ளது. முகத்தில் ரத்தம் வழிந்தும், தலைக்குள் போர், வன்முறை, குண்டு வெடிப்பு போன்ற காட்சிகள் இடம்பெற்றுள்ளது.
This is what a bunch of boys tied together, with friendship towards a common goal can do ! Presenting the first look poster of our movie #KadaisiUlagaPor Bless us with all your love ❤️#hht8#hhtent ✌GLIMPSE VIDEO “WORLD OF KADAISI ULAGA POR” from TOMORROW pic.twitter.com/SZ4ckct38a
— Hiphop Tamizha (@hiphoptamizha) July 18, 2024
படத்தின் கிளிம்ஸ் விடியோ நாளை(ஜுன் 19) வெளியாகுமென படக்குழு தெரிவித்துள்ளது. நண்பர்களுடன் இணைந்து இந்தப் படத்தினை இயக்கியுள்ளதாகவும் அதற்கு மக்கள் தங்கள் ஆதரவினை தெரிவிக்குமாறும் ஹிப்ஹாப் ஆதி கேட்டுக்கொண்டுள்ளார்.