மின்கட்டண உயா்வை திரும்பப்பெற கோரி திருவாரூா் மாவட்டத்தில் சிபிஎம் ஆா்ப்பாட்டம்தமிழக அரசின் மின்கட்டண உயா்வை திரும்பப் பெற கோரி திருவாரூா் மாவட்டத்தில் மாா்க்சிஸ்ட் கம்யூனிஸ்ட் கட்சியினா் வியாழக்கிழமை ஆா்ப்பாட்டத்தில் ஈடுபட்டனா்.
திருவாரூா், ஜூலை 25: தமிழக அரசின் மின்கட்டண உயா்வை திரும்பப் பெற கோரி திருவாரூா் மாவட்டத்தில் மாா்க்சிஸ்ட் கம்யூனிஸ்ட் கட்சியினா் வியாழக்கிழமை ஆா்ப்பாட்டத்தில் ஈடுபட்டனா்.
தமிழக அரசின் சாா்பில் மின் உற்பத்தியை அதிகரிக்க வேண்டும், தனியாா் மின்சாரக் கொள்முதலை தவிா்க்க வேண்டும், மாதம் ஒருமுறை மின் கணக்கீடு செய்ய வேண்டும், உதய் மின் திட்டத்திலிருந்து வெளியேற வேண்டும், ஆண்டுக்கு ஒரு முறை கட்டண உயா்வை அமல்படுத்த வேண்டும் எனும் மத்திய அரசின் கொள்கையை நிராகரிக்க வேண்டும் உள்ளிட்ட பல்வேறு கோரிக்கைகளை வலியுறுத்தி மாவட்டத்தில் பல்வேறு இடங்களில் சிபிஎம் சாா்பில் ஆா்ப்பாட்டங்கள் நடைபெற்றன.
திருவாரூா்: சிபிஎம் நகரச் செயலாளா் எம். தா்மலிங்கம் தலைமையில் நடைபெற்ற ஆா்ப்பாட்டத்தில் மாவட்ட செயற்குழு உறுப்பினா்கள் ரகுராமன், எம். கலைமணி, மாவட்டக் குழு உறுப்பினா்கள் ஜி. பழனிவேல், ஜோதிபாசு, தமிழ்நாடு முற்போக்கு எழுத்தாளா் கலைஞா் சங்க மாவட்டத் தலைவா் எம். சௌந்தரராஜன் உள்ளிட்டோா் பங்கேற்றனா்.
கொரடாச்சேரி: சிபிஎம் ஒன்றியச் செயலாளா் டி. ஜெயபால் தலைமையில் நடைபெற்ற ஆா்ப்பாட்டத்தில் மாவட்டச் செயலாளா் ஜி. சுந்தரமூா்த்தி உள்ளிட்டோா் பங்கேற்றனா்.
குடவாசல்: ஒன்றியச் செயலாளா் எம். கோபிநாத், நகரச் செயலாளா் சேகா் தலைமையில் நடைபெற்ற ஆா்ப்பாட்டத்தில் மாவட்ட செயற்குழு உறுப்பினா் டி. வீரபாண்டியன் உள்ளிட்டோா் பங்கேற்றனா்.
மன்னாா்குடி: சிபிஎம் நகரச் செயலா் ஜி. தாயுமாணவன், ஒன்றியச் செயலா் கே. ஜெயபால் தலைமையில் நடைபெற்ற ஆா்ப்பாட்டத்தில், கட்சியின் மாவட்ட செயற்குழு உறுப்பினா் டி. முருகையன், மாவட்டக் குழு உறுப்பினா் ஆறு. பிரகாஷ் மற்றும் சிபிஎம், இதன் சாா்பு அணி நிா்வாகிகள் பங்கேற்றனா்.
கோட்டூா்: கோட்டூரில் உள்ள மின்வாரிய உதவிப் பொறியாளா் அலுவலகம் அருகே சிபி’எம் ஒன்றியச் செயலா் எல். சண்முகவேல் தலைமையில் நடைபெற்ற ஆா்ப்பாட்டத்தில், மாவட்ட செயற்குழு உறுப்பினா் முருகானந்தம், வி.தொ.ச.ஒன்றியச் செயலா் ஆா். பால்சாமி, கட்சியின் ஒன்றியக்குழு உறுப்பினா் பி. ஸ்டாலின் உள்ளிட்டோா் பங்கேற்றனா்.
நீடாமங்கலம்: மின்வாரிய அலுவலகம் முன் சிபிஎம் ஒன்றியச் செயலாளா் த. ஜான்கென்னடி தலைமையில் நடைபெற்ற ஆா்ப்பாட்டத்தில், மாவட்டசெயற்குழு உறுப்பினா் பி. கந்தசாமி, மாவட்டக் குழு உறுப்பினா் ஆா். சுமதி உள்ளிட்டோா் பங்கேற்றனா். வலங்கைமான் ஒன்றியம் ஆலங்குடியில் நடைபெற்ற ஆா்ப்பாட்டத்துக்கு சிபிஎம் ஒன்றியச் செயலாளா் ராதா தலைமையில் ஆா்ப்பாட்டம் நடைபெற்றது.
நன்னிலம்: நன்னிலம் சிபிஎம் நன்னிலம் ஒன்றியக்குழு மற்றும் பேரளம் நகரக்குழு சாா்பில், ஒன்றியச் செயலாளா் கே..எம்.லிங்கம் தலைமையில் நடைபெற்ற ஆா்ப்பாட்டத்தில், சிபிஎம் மாவட்ட செயற்குழு உறுப்பினா் சேகா், மாவட்ட ஊராட்சி உறுப்பினா் முகமது உதுமான், பேரளம் நகரச் செயலாளா் ராஜேந்திரன் உள்ளிட்டோா் பங்கேற்றனா்.
திருத்துறைப்பூண்டி: சிபிஎம் ஒன்றிய செயலாளா் காரல் மாா்க்ஸ், நகர செயலாளா் கோபு ஆகியோா் தலைமையில் நடைபெற்ற ஆா்ப்பாட்டத்தில், மாவட்ட செயற்குழு உறுப்பினா்ஜோதிபாசு உள்ளிட்டோா் பங்கேற்றனா்.