ஐ.சி.சி. ஜூலை மாத சிறந்த வீரராக இங்கிலாந்து வேகப்பந்து வீச்சாளர் தேர்வு

ஜூலை மாத சிறந்த வீராங்கனையாக இலங்கையை சேர்ந்த சமாரி அத்தபத்து தேர்வாகியுள்ளார்.

துபாய்,

சர்வதேச கிரிக்கெட் கவுன்சில் (ஐ.சி.சி) ஒவ்வொரு மாதமும் சிறந்த கிரிக்கெட் வீரர் மற்றும் வீராங்கனையை தேர்வு செய்து கவுரவித்து வருகிறது. அதன்படி ஜூலை மாதத்திற்கான சிறந்த வீரர் மற்றும் வீராங்கனையை தேர்வு செய்ய தலா 3 வீரர் மற்றும் வீராங்கனைகளை ஐ.சி.சி அறிவித்துள்ளது.

அதன்படி ஜூலை மாதத்திற்கான சிறந்த வீரர் விருதுக்கான பரிந்துரை பெயர் பட்டியலில் இங்கிலாந்தின் கஸ் அட்கின்சன், ஸ்காட்லாந்தின் சார்லி கேசல் மற்றும் இந்திய ஆல்-ரவுண்டரான வாஷிங்டன் சுந்தர் ஆகியோர் இடம் பெற்றிருந்தனர்.

இவர்களில் ஜூலை மாத சிறந்த வீரராக இங்கிலாந்தை சேர்ந்த வேகப்பந்து வீச்சாளர் கஸ் அட்கின்சன் தேர்வாகியுள்ளார்.

A debut to remember In his very first series as a Test cricketer, England pacer bags the ICC Men's Player of the Month Award ️

— ICC (@ICC) August 12, 2024

அதேபோல் ஜூலை மாதத்திற்கான சிறந்த வீராங்கனை விருதுக்கான பரிந்துரை பெயர் பட்டியலில் மகளிர் ஆசிய கோப்பை தொடரில் சிறப்பாக செயல்பட்ட இலங்கை கேப்டன் சமாரி அத்தபத்து, இந்தியாவின் ஸ்மிருதி மந்தனா மற்றும் ஷபாலி வர்மா ஆகியோர் இடம் பெற்றிருந்தனர்.

இவர்களில் சிறந்த வீராங்கனையாக சமாரி அத்தபத்து தேர்வாகியுள்ளார்.

Unstoppable The star of Sri Lanka's T20 Asia Cup campaign takes home the ICC Women's Player of the Month Award for July 2024

— ICC (@ICC) August 12, 2024