சுசீந்திரன் இயக்கிய '2கே லவ் ஸ்டோரி' படத்தின் படப்பிடிப்பு பணிகள் நிறைவடைந்துள்ளது.
சென்னை,
இயக்குனர் சுசீந்திரன் இயக்கத்தில் இன்றைய நவ நாகரீக இளைஞர்களின் வாழ்வை சொல்லும் படமாக, ரொமான்ஸ் ஜானரில் உருவாகும் திரைப்படம் '2கே லவ் ஸ்டோரி'. இன்றைய இளம் தலைமுறையின் காதல், நட்பு என அவர்களது வாழ்வை பிரதிபலிக்கும் படைப்பாக இந்த படத்தை உருவாக்கியுள்ளார்.
சிட்டி லைட் பிக்சர்ஸ் தயாரிக்கும் இந்த படத்திற்கு டி.இமான் இசையமைத்துள்ளார். புதுமுக நாயகன் ஜெகவீர் நாயகனாக நடிக்கும் இந்த படத்தில் மீனாட்சி கோவிந்தராஜன் நாயகியாக நடிக்கிறார். மேலும் பால சரவணன், ஆண்டனி பாக்யராஜ், ஜெயபிரகாஷ், வினோதினி உள்ளிட்ட பலர் நடிக்கின்றனர்.
வெட்டிங் போட்டோகிராபி எடுக்கும் இளைஞர்களின் வாழ்வில் நடக்கும் சம்பவங்களை அடிப்படையாக கொண்டு படத்தின் திரைக்கதை அமைக்கப்பட்டுள்ளது என படக்குழு தெரிவித்துள்ளது. இயக்குனர் சுசீந்திரன் மற்றும் டி.இமான் இணையும் 10-வது திரைப்படம் இது என்பது குறிப்பிடத்தக்கது.
இப்படத்தின் படப்பிடிப்பு கோவை மற்றும் சென்னையில் நடைபெற்றது. தற்போது இந்த படத்தின் படப்பிடிப்பு பணிகள் நிறைவடைந்துள்ளது. இதனை கொண்டாடும் விதமாக படக்குழுவினர் கேக் வெட்டி கொண்டாடியுள்ளனர். இது குறித்த புகைப்படத்தை இசையமைப்பாளர் டி.இமான் தனது எக்ஸ் தளத்தில் வெளியிட்டுள்ளார்.
And that's a wrap! Ending one beautiful journey to start a new chapter. The 2K love story comes to life soon! ❤️A #DImmanmusicalPraise God !@Dir_Susi@iamjagaveer@MeenakshiGovin2@CityLightPics@Vignesh17935@Bala_actor@antonybhagyaraj@DushyanthJayap1@anand16na… pic.twitter.com/1ImaSMGNmy
— D.IMMAN (@immancomposer) August 25, 2024