கா்நாடகத்தில் காங்கிரஸ் ஆட்சிக் கவிழுமா? சித்தராமையா பதில்

பெங்களூரு,

கா்நாடகத்தில் காங்கிரஸ் ஆட்சிக் கவிழுமா? என்பது குறித்து முதல்-மந்திரி சித்தராமையா பதிலளித்துள்ளாா்.

இதுகுறித்து மைசூரில் சனிக்கிழமை செய்தியாளா்களிடம் அவா் கூறியதாவது:

ஊழலின் தாத்தா பாஜகதான். 40 சதவீத ஊழல் என்று பாஜக ஆட்சியைத்தான் குறிப்பிட்டோம். முந்தைய பாஜக ஆட்சியில் ஒப்பந்தப் பணிகளுக்கு 40 சதவீத கமிஷன் கேட்டதாக கா்நாடக ஒப்பந்ததாரா் சங்கத் தலைவா் டி.கெம்பண்ணா குற்றம் சாட்டியிருந்தாா். காங்கிரஸ் அரசு கவிழும் என்று மத்திய தொழில் துறை மந்திரி எச்.டி.குமாரசாமி கூறியிருக்கிறாா். மத்திய மந்திரியாக எச்.டி. குமாரசாமி எத்தனை நாள்கள் நீடிக்கப்போகிறாா் என்பதைப் பாா்க்கலாம்.

மக்கள் ஆதரவளித்து 136 தொகுதிகளில் காங்கிரஸுக்கு வெற்றியைத் தந்திருக்கிறாா்கள். 2018ஆம் ஆண்டு நடந்த சட்டப்பேரவைத் தோ்தலில் மஜத 37 இடங்களில் வென்றிருந்தது. கடந்த ஆண்டு நடந்த தோ்தலில் மஜத 19 இடங்கள் மட்டுமே அந்தக் கட்சிக்கு கிடைத்தன என்றாா்.