கெத்து தினேஷ்..! பிரபலங்கள் வாழ்த்து மழையில் நடிகர் தினேஷ்!

அட்டக்கத்தி படத்தில் நாயகனாக அறிமுகமானதால் அட்டக்கத்தி தினேஷ் என அழைக்கப்பட்ட தினேஷ் தற்போது லப்பர் பந்து பட வெற்றியினால் கெத்து தினேஷாக மாறியுள்ளார்.

அட்டக்கத்தி, குக்கூ, விசாரணை, கபாலி, இரண்டாம் உலகப் போரின் கடைசி குண்டு என நல்ல படங்களில் நடித்துள்ளார் தினேஷ்.

பச்சமுத்து தமிழரசன் இயக்கத்தில் வெளியான லப்பர் பந்து படம் மிகப்பெரிய வரவேற்பைப் பெற்று வருகிறது.

லப்பர் பந்து படத்தில் கெத்து கதாபாத்திரத்தில் நடித்துள்ளார் தினேஷ். இன்று பிறந்தநாளைக் கொண்டாடும் தினேஷுக்கு நடிகர் ஹரிஷ் கல்யாண், “நீங்கள் எப்பவும் கெத்துதான். பிறந்தநாள் கெத்து தினேஷ்ணா. லவ் யூ” எனக் கூறியுள்ளார்.

தண்டகாரண்யம் எனும் படத்தில் தினேஷ் நடித்துள்ளதும் குறிப்பிடத்தக்கது.

இயக்குநர் பா.ரஞ்சித், இயக்குநர் அதியன் ஆதிரைம் நடிகர் கலையரசன் என படக்குழு அனைவரும் கேக் வெட்டி கொண்டாடினர்.