நான் முதல்வன் திட்டத்தின் கீழ் ஆஸ்திரேலியாவில் தொழிற்கல்வி பயிற்சி – பேராசிரியர்கள் சென்னை திரும்பினர்

நான் முதல்வன் திட்டத்தின் கீழ் ஆஸ்திரேலியாவில் தொழிற்கல்வி பயிற்சி பெற்ற பேராசிரியர்கள் சென்னை வந்தடைந்தனர்.

சென்னை,

நான் முதல்வன் திட்டத்தின் கீழ் ஆஸ்திரேலியாவில் தொழிற்கல்வி பயிற்சியை நிறைவு செய்த பேராசிரியர்கள் குழுவினர் இன்று சென்னை விமான நிலையத்திற்க்கு வந்து சேர்ந்தனர். இது தொடர்பாக வெளியிடப்பட்டுள்ள செய்திக்குறிப்பில் கூறப்பட்டுள்ளதாவது;-

"2023-ம் ஆண்டு மே மாதத்தில், தமிழ்நாடு அரசு சார்பில் உயர் கல்வித் துறையின் செயலாளர், தமிழ்நாடு திறன் மேம்பாட்டு கழக (TNSDC) மேலாண்மை இயக்குநர், நான் முதல்வன் திட்ட தலைமை நிர்வாக அதிகாரி ஆகியோர் பெர்த், மேற்கு ஆஸ்திரேலியாவிற்கு பயணம் மேற்கொண்டனர். இப்பயணத்தின் நோக்கம் இரு நாடுகளிக்கிடையில் திறன் மற்றும் வேலைவாய்ப்பு களங்களில் சாத்தியமான ஒத்துழைப்பை ஆராய்வது ஆகும்.

இதைத் தொடர்ந்து, மேற்கு ஆஸ்திரேலிய சட்டமன்ற சபாநாயகர் மற்றும் அப்பகுதியின் எம்.எல்.ஏ. தலைமையிலான மேற்கு ஆஸ்திரேலிய பிரதிநிதிகள், விவாதங்களை மேற்கொள்வதற்காக மே 23, 2023 அன்று தமிழ்நாடு வந்தனர். இந்த சந்திப்பில், தமிழ்நாடு அரசு மற்றும் அரசு உதவிபெறும் பொறியியல், பாலிடெக்னிக், கலை மற்றும் அறிவியல் கல்லூரிகள் உள்ளிட்ட அரசு உதவி பெறும் கல்வி நிறுவனங்களில் இருந்து நான் முதல்வன் ஆசிரியர் மேம்பாட்டுத் திட்டம் மூலம் தேர்ந்தெடுக்கப்பட்ட பேராசிரியர்கள், பெர்த்தில் உள்ள Phoenix Academyல் நடைபெறும் பயிற்சி மற்றும் மதிப்பீட்டு (TAE40122) சான்றிதழ் IV (TAE40122) தீவிர தொழிற்கல்வி பயிற்சிக்கு உட்படுத்தப்படுவார்கள் என்று தீர்மானிக்கப்பட்டது.

தமிழ்நாடு திறன் மேம்பாட்டுக் கழகம் (TNSDC), தேசிய தொழிற்கல்வி மற்றும் பயிற்சிக்கான தேசிய கவுன்சிலால் (NCVET) 2024 பிப்ரவரியில் சான்றிதழ் மற்றும் மதிப்பீட்டு அமைப்பாக அங்கீகரிக்கப்பட்டுள்ளது, இது மாநிலத்தில் திறன் மேம்பாட்டை மேம்படுத்துவதற்கான முக்கிய முன்னெடுப்பாகும்.

புதிய திறன் படிப்புகள் மற்றும் தொழிற்துறையின் தேவையை பூர்த்தி செய்வதற்கான தகுதிகளை மேம்படுத்துவதை நோக்கமாகக் கொண்ட இந்தப் பயிற்சியானது, 2024 மற்றும் 2025-ம் ஆண்டுகளில் மூன்று தொகுதிகளாக நிறைவு செய்ய திட்டமிடப்பட்டு, பெர்த்தில் தற்போது நடைபெற்று முடிந்த முதல் தொகுதி ஏற்கனவே குறிப்பிடத்தக்க முன்னேற்றம் அடைந்துள்ளது.

தொழிற்கல்வியில் உலகளவில் அங்கீகரிக்கப்பட்ட சான்றிதழான பயிற்சி மற்றும் மதிப்பீட்டு (TAE40122) சான்றிதழ் IV உடன் சீரமைக்கப்பட்ட மற்றும் மேம்பட்ட பயிற்சியை ஆசிரிய உறுப்பினர்கள் மேற்கொண்டு வருகின்றனர். தொழிற்கல்வி பயிற்சி (VET) துறையில் பயிற்சியாளர்கள் மற்றும் மதிப்பீட்டாளர்களுக்கு இந்தச் சான்றிதழ் அவசியமானது, அவர்கள் தேசிய மற்றும் சர்வதேச திறன் தரநிலைகளை பூர்த்தி செய்யும் பயிற்சித் திட்டங்களைத் திறமையாக வடிவமைக்கவும், வழங்கவும் மற்றும் மதிப்பீடு செய்யவும் அவர்களை இப்பயிற்சி தயார் செய்யும்.

பயிற்சி தொகுதிகள்:

பயிற்சி மற்றும் மதிப்பீட்டு (TAE40122) சான்றிதழ் IV திட்டத்திலிருந்து முக்கிய அலகுகளின் தத்துவார்த்த மற்றும் நடைமுறை பயன்பாடுகள் இதில் அடங்கும்:

* TAEASS412: திறனை மதிப்பிடுதல்

* TAEASS512: மதிப்பீட்டு அளவீடுகள் வடிவமைத்தல் மற்றும் மேம்படுத்துதல்

* TAEASS413: மதிப்பீட்டு சரிபார்ப்பில் பங்கேற்கவும்

* TAEDEL311: வேலை திறன் அறிவுரைகளை வழங்குதல்

* TAEDEL411: தொழில் பயிற்சியை எளிதாக்குதல்

* TAEDEL405: ஆன்லைன் கற்றலைத் திட்டமிடுதல், ஒருங்கமைத்தல் மற்றும் எளிதாக்குதல்

பயிற்சியின் முக்கிய மைல்கற்கள்:

வாரம் 1: ஆசிரிய உறுப்பினர்கள் பயிற்சி தேவைகள் பகுப்பாய்வு, தனிப்பட்ட மேம்பாட்டுத் திட்டங்கள், அமர்வுத் திட்டங்கள் மற்றும் மதிப்பீட்டுத் திட்டங்களை வடிவமைப்பதில் கவனம் செலுத்துகின்றனர். இந்த கருவிகள் குறிப்பிட்ட வேலைத் திறன்கள் மற்றும் தொழில்களுக்குத் தேவைப்படும் திறன்களுடன் இணைந்து, தேசிய திறன்கள் தகுதிக் கட்டமைப்பு (NSQF) மற்றும் உலகளாவிய தரநிலைகள் இரண்டிற்கும் இணங்குவதை உறுதிசெய்யும் வகையில் வடிவமைக்கப்பட்டுள்ளது.

வாரம் 2: பீனிக்ஸ் அகாடமியின் பயிற்சியாளர்கள் தமிழ்நாடு ஆசிரியர்களால் சமர்ப்பிக்கப்பட்ட பணிகளை மதிப்பாய்வு செய்தனர். அனைத்து உறுப்பினர்களும் "திருப்திகரமானவர்கள்" என்று மதிப்பிடப்பட்டனர்—திறன் அடிப்படையிலான கல்வி மற்றும் மதிப்பீட்டிற்கான ஆஸ்திரேலிய அளவுகோல், இது தமிழ்நாட்டு கல்வியாளர்களின் தகவமைப்பு மற்றும் அர்ப்பணிப்பை பிரதிபலிக்கிறது.

வாரம் 3: ஆசிரிய உறுப்பினர்கள் நேருக்கு நேர் மற்றும் ஆன்லைன் பயிற்சிக்கான அமர்வுத் திட்டங்கள் மற்றும் மதிப்பீட்டுக் கருவிகளை இறுதி செய்தனர். கடினமான காலக்கெடு இருந்தபோதிலும், ஆசிரியர்கள் சிறந்து விளங்கினர், பொதுவாக மூன்று வாரங்களில் ஆறு மாதங்கள் தேவைப்படும் பணிகளை முடித்தனர்.

செயல்முறை கண்டு கற்றல் மற்றும் கலாச்சார பரிமாற்றம்:

வகுப்பறை அமர்வுகளுக்கு மேலதிகமாக, மேற்கு ஆஸ்திரேலியாவில் உள்ள முன்னணி தொழிற்கல்வி நிறுவனங்களுக்கு இப்பேராசிரியர்கள் வருகை தந்தனர். இந்த உறுப்பினர்கள் தெற்கு மெட்ரோ TAFE மற்றும் வடக்கு மெட்ரோ TAFE பயிற்சி நிலையத்தை பார்வையிட்டனர், தொழில் பயிற்சியில் சிறந்த நடைமுறைகளை கவனித்தனர், குறிப்பாக கடல் சார்ந்த செயல்பாடுகள் மற்றும் மீன் வளர்ப்பு போன்ற துறைகளில் தொழில் சார்ந்த பயிற்சிக்கான இந்த நேரடி வெளிப்பாடு, நிஜ-உலகப் பயன்பாடுகளுடன் திறன் அடிப்படையிலான கற்றலை ஒருங்கிணைப்பது பற்றிய அவர்களின் புரிதலை மேம்படுத்தியது.

மேற்கு ஆஸ்திரேலிய பாராளுமன்றத்திற்கு தமிழ்நாட்டு கல்லூரி பேராசிரியர்களின் வருகை சிறப்பம்சமாகும், அங்கு அவர்கள் மதிப்பிற்குரிய மேற்கு ஆஸ்திரேலிய பிரதமர் ரோஜர் குக் அவர்களை சந்திக்கும் மரியாதையைப் பெற்றனர், மற்றும் அவருடன் திரு. டேவிட் ஆலன் டெம்பிள்மேன் எம்.எல்.ஏ., டாக்டர் ஜெகதீஷ் கிருஷ்ணன்,எம்.எல்.ஏ., திரு. மிச்செல் ராபர்ட்ஸ் எம்.எல்.ஏ., மற்றும் பாராளுமன்ற செயலாளர் திரு.யாஸ் முபாரகாய் அவர்களையும் சந்தித்து உரையாடினார் இது தமிழ்நாடு மற்றும் மேற்கு ஆஸ்திரேலியா இடையே கலாச்சார பரிமாற்றத்தின் புதிய சகாப்தத்தை குறிக்கும் வகையில் இந்த ஒத்துழைப்பு அமைந்துள்ளது.

பேராசிரியர்களின் இணையற்ற அர்ப்பணிப்பு:

இத்திட்டத்தின் தேவைகளைப் பூர்த்தி செய்ய பேராசிரியர்கள் ஒரு நாளைக்கு 18 மணிநேரம் வேலை செய்தாலும், தமிழ்நாடு பேராசிரியர்கள் ஆஸ்திரேலியாவின் செழுமையான கலாச்சாரத்தில் தங்களை மூழ்கடித்து, வார இறுதி நாட்களில் ஃப்ரீமண்டில் சிறைச்சாலை மற்றும் கேவர்ஷாம் வனவிலங்கு பூங்கா போன்ற சின்னச் சின்ன இடங்களுக்குச் சென்று அந்த நாட்டின் நிர்வாக அமைப்பு, கலாச்சாரம், நாகரிகம் மற்றும் பண்பாடு ஆகியவற்றை அறிந்துகொண்டனர். VET அமைப்பில் அதன் உயர் தரத்திற்குப் புகழ்பெற்ற பீனிக்ஸ் அகாடமி நமது தமிழ்நாடு பேராசிரியர்களின் உயரிய அர்ப்பணிப்பு மற்றும் செயல்திறனுக்காக அவர்களைப் பாராட்டியது.

தமிழ்நாடு திறன் மேம்பாட்டுக் கழகம் மற்றும் பீனிக்ஸ் அகாடெமியின் ஒத்துழைப்பு, தமிழ்நாட்டின் தொழிற்கல்வி முறையை சர்வதேச அளவுகோல்களுடன் சீரமைப்பதில் ஒரு நல்ல மாற்றத்தைக் குறிக்கிறது. உலகளாவிய தொழில்களின் தேவைகளை பூர்த்தி செய்ய தமிழக இளைஞர்கள் சிறந்த முறையில் தயாராக இருப்பதை இந்த முன்னெடுப்பு உறுதி செய்கிறது. தமிழ்நாடு மற்றும் மேற்கு ஆஸ்திரேலியா இடையே தொடர்ச்சியான புதுமை, கலாச்சார பரிமாற்றம் மற்றும் திறன் மேம்பாட்டிற்கு இந்த கூட்டாண்மை வழி வகுக்கிறது.

ஆஸ்திரேலியா பெர்த் நகரில் அமைந்துள்ள Phoenix Academy-யில் மூன்று வாரங்கள் நடைபெற்று முடிந்த தொழிற் கல்வி பயிற்சி (Vocational Education Training) திட்டத்தில் பங்கேற்ற தமிழ்நாடு அரசு கலை & அறிவியல், பொறியியல் மற்றும் பாலிடெக்னிக் கல்லூரிகளின் பேராசிரியர்கள் குழு இன்று (19.10.2024) சென்னை பன்னாட்டு விமான நிலையத்திற்கு வந்து சேர்ந்தனர்.