சமையல் எக்ஸ்பிரஸ் நிகழ்ச்சியில் இருந்து நடிகை சீதா விலகியுள்ளார்.
தற்போது சமையல் தொடர்பான நிகழ்ச்சிக்கு மக்கள் மத்தியில் நல்ல வரவேற்பு உள்ளது. மக்களிடையே பெரும் வரவேற்புப் பெற்ற குக் வித் கோமாளி நிகழ்ச்சி 5 சீசன்கள் நிறைவடைந்துள்ளது. அதேபோல், குக் வித் கோமாளிக்கு போட்டியாக சன் தொலைக்காட்சியில் தொடங்கப்பட்ட டாப் குக்கு டூப் குக்கு நிகழ்ச்சியும் சமீபத்தில் நிறைவடைந்தது.
இதனைத் தொடர்ந்து, ஜீ தமிழ் தொலைக்காட்சியில் சமையல் எக்ஸ்பிரஸ் என்ற புதிய சமையல் நிகழ்ச்சி கடந்த செப். 15 ஆம் தேதி தொடங்கப்பட்டது. இந்நிகழ்ச்சி ஞாயிறுதோறும் பிற்பகல் 1.30 மணிக்கு ஒளிபரப்பு செய்யப்படுகிறது.
இதையும் படிக்க: மலையாளத்தில் நடிக்கும் தமிழ் சீரியல் நடிகை!
சமையல் எக்ஸ்பிரஸ் நிகழ்ச்சியை சின்னத்திரை நடிகை ஆயிஷா தொகுத்து வழங்கிவருகிறார். நடுவர்களாக நடிகை சீதா, புதுச்சேரி இயற்கை விவசாயி கிருஷ்ணா மெக்னசி பங்கேற்று இருந்தனர்.
இந்த நிலையில், சில தனிப்பட்ட காரணங்களால் இந்நிகழ்ச்சியில் இருந்து நடிகை சீதா விலகியதாகக் கூறப்படுகிறது. சீதாவுக்கு பதில் புதிய நடுவராக சின்னத்திரை நடிகை சுஜிதா பங்கேற்றுள்ளார்.
முன்னதாக, நடிகை சுஜிதா குக் வித் கோமாளி -5 நிகழ்ச்சியில் போட்டியாளராக பங்கேற்று, இரண்டாம் இடத்தைப் பிடித்தார். சமையல் எக்ஸ்பிரஸ் நிகழ்ச்சியில் சுஜிதா பங்கேற்றுள்ளதால் அவரது ரசிகர்களுக்கு மகிழ்ச்சியில் உள்ளனர்.