Table of Contents
நியூசிலாந்துக்கு எதிரான டெஸ்ட் போட்டியில் இந்திய அணி மிகவும் மோசமான நிலையில் தடுமாறிவருகிறது.
இந்தியா மற்றும் நியூசிலாந்து அணிகளுக்கு இடையிலான இரண்டாவது டெஸ்ட் போட்டி புணேவில் நேற்று (அக்டோபர் 24) தொடங்கியது.
நியூசிலாந்து – 259/10
இந்தப் போட்டியில் டாஸ் வென்று முதல் இன்னிங்ஸில் விளையாடிய நியூசிலாந்து அணி, இந்திய அணியின் பந்துவீச்சை சமாளிக்க முடியாமல் 259 ரன்களுக்கு ஆட்டமிழந்தது. அந்த அணியில் அதிகபட்சமாக டெவான் கான்வே 76 ரன்களும், ரச்சின் ரவீந்திரா 65 ரன்களும் எடுத்தனர். இந்தியா தரப்பில் அபார பந்துவீச்சை வெளிப்படுத்திய வாஷிங்டன் சுந்தர் 7 விக்கெட்டுகளைக் கைப்பற்றி அசத்தினார். அவரைத் தொடர்ந்து, ரவிச்சந்திரன் அஸ்வின் 3 விக்கெட்டுகளைக் கைப்பற்றினார்.
நியூசிலாந்து அணி 79.1 ஓவர்களில் 259 ரன்களுக்கு ஆல் அவுட் ஆனது.
டேவிட் வார்னருக்கு விதிக்கப்பட்ட வாழ்நாள் தடை நீக்கம்!
அதன்படி தனது முதல் இன்னிங்ஸை தொடங்கிய இந்திய அணி முதல் நாள் ஆட்டநேர முடிவில் 11 ஓவர்களில் 1 விக்கெட் இழப்புக்கு 16 ரன்கள் எடுத்திருந்தது. இந்திய கேப்டன் டக் அவுட்டாக, ஜெய்ஸ்வால் 6* ரன்களுடனும், ஷுப்மன் கில் 10 ரன்களுடனும் களத்தில் இருந்தனர்.
இரண்டாவது நாள் ஆட்டம் இன்று தொடங்கியதும் யஷஸ்வி ஜெய்ஸ்வால், ஷுப்மன் கில் இருவரும் நிதான ஆட்டத்தைத் தொடர்ந்தனர். 2 பவுண்டரி ஒரு சிக்ஸருடன் 30 ரன்கள் எடுத்த நிலையில் சான்ட்னர் பந்துவீச்சில் ஷுப்மன் கில் வெளியேற, அவருக்குப் பின்னர் வந்த விராட் கோலியும் சான்ட்னரின் சுழலில் சிக்கி 1 ரன்னில் ஆட்டமிழந்து ஏமாற்றமளித்தார்.
2026 என்ற இலக்கை நோக்கி, முதல் அடியை எடுத்து வைப்போம்: தவெக தலைவர் விஜய்!
அவரைத் தொடர்ந்து வந்தவர்களும் சரியாக சோபிக்காமல் ஆட்டமிழந்து பெவிலியன் திரும்பினர். யஷஸ்வி ஜெய்ஸ்வால் 30 ரன்களிலும், முதலாவது டெஸ்ட் அபார ஆட்டத்தை வெளிப்படுத்திய ரிஷப் பந்த், சர்ஃபராஸ் கான் இருவரும் முறையே 18 மற்றும் 11 ரன்களிலும், அஸ்வின் 4 ரன்களிலும் ஆட்டமிழந்தனர்.
இரண்டாவது நாளில் முதலாவது செஸனில் இந்திய அணி 6 விக்கெட்டுகளை இழந்து திணறி வருகிறது. இந்திய அணி 53 ரன்களுக்கு 5 விக்கெட்டுகளை தாரைவார்த்தது.
அமெரிக்க அதிபர் தேர்தல்: கருத்துக் கணிப்பில் டிரம்ப் முன்னிலை!
நியூசிலாந்து பந்துவீச்சாளர்களுக்கு கொஞ்ச நேரம் போக்குக்காட்டிய ரவீந்திர ஜடேஜா ஒரு சில சிக்ஸர் – பவுண்டரிகளை பறக்கவிட்டார். அவர் 2 சிக்ஸர், 3 பவுண்டரிகளுடன் 38 ரன்னில் ஆட்டமிழந்து பெவிலியன் திரும்பினார். வாஷிங்டன் சுந்தர் 18 ரன்னில் வீழ்ந்தார்.
நியூசிலாந்து அணித் தரப்பில் சுழற்பந்து வீச்சாளர் மிட்சல் சான்ட்னர் 7 விக்கெட்டுகளை வீழ்த்தி அசத்தினார். கிளென் பிலிப்ஸ் 2 விக்கெட்டுகள் வீழ்த்தினார்.
53 ரன்கள் விட்டுக் கொடுத்து 7 விக்கெட்டுகளை வீழ்த்திய மிட்சல் சான்ட்னரின் சிறந்த பந்துவீச்சாக அமைந்தது.
45.3 ஓவர்களில் இந்திய அணி அனைத்து விக்கெட்டுகளையும் இழந்து 156 ரன்களுக்கு ஆல் அவுட் ஆனது. இந்திய அணி நியூசிலாந்தைவிட 103 ரன்கள் பின்தங்கியுள்ளது.