பென்ஸ் திரைப்படத்திற்கு சாய் அபயங்கர் இசையமைக்க உள்ளதாகத் தகவல் வெளியாகியுள்ளது.
இயக்குநர் லோகேஷ் கனகராஜின் கதையில், பாக்கியராஜ் கண்ணன் இயக்கத்தில் நடிகர் ராகவா லாரன்ஸ் நடிக்கவுள்ளார். இப்படத்திற்கு பென்ஸ் எனப் பெயரிட்டுள்ளனர். எல்சியூ திரைப்படமாக இது உருவாகும் என லோகேஷ் அறிவித்திருந்தார்.
மேலும், படத்தின் படப்பிடிப்பு விரைவில் துவங்கவுள்ளதாகவும் அனிருத் மற்றும் சாம் சிஎஸ் இருவரும் இசையமைக்க உள்ளதாகவும் தகவல் வெளியாகியிருந்தது.
இதையும் படிக்க: மிரட்டலான எடிட்டிங்… அசத்தும் பேபி ஜான் டீசர்!
இந்த நிலையில், ‘கட்சி சேர’, ‘ஆச கூட’ ஆல்பம் பாடல்களால் இசையமைப்பாளராக, பாடகராகக் கவனிக்கப்பட்ட சாய் அபயங்கர் பென்ஸ் படத்திற்கு இசையமைக்க உள்ளதாகப் புதிய தகவல் வெளியாகியுள்ளது.
7 பாடல்கள் கொண்ட பென்ஸ் திரைப்படத்துக்கு மூன்று இசையமைப்பாளர்கள் இசையமைக்கும் தகவல் எதிர்பார்ப்பை அதிகரிக்கச் செய்துள்ளது.