மகளிர் பிக்-பாஸ் கிரிக்கெட் இறுதிப் பட்டியலில் இந்திய கிரிக்கெட் அணியின் கேப்டன் ஹர்மன்பிரீத் கௌரும் இடம்பிடித்துள்ளார்.
கடந்த பத்தாண்டுகளில் சிறப்பான ஆட்டத்தை வெளிப்படுத்திய 50 வீராங்கனைகளின் பெயர்களை மகளிர் பிக்-பாஸ் கிரிக்கெட் வெளியிட்டுள்ளது. இந்தப் பட்டியலில் இந்திய கிரிக்கெட் அணியின் கேப்டன் ஹர்மன்பிரீத் கௌரும் இடம்பிடித்துள்ளார்.
ஆஸ்திரேலியாவில் நடைபெறும் டி20 லீக் போட்டியான பிக்-பாஸ் போட்டியில் குறைந்தபட்சம் 60 போட்டிகளில் விளையாடி வீராங்கனைகளின் பெயர்கள் இறுதிப்பட்டியலுக்கு தேர்வுசெய்யப்பட்டுள்ளது.
பின்னர் வாக்கெடுப்பின் அடிப்படையில் தேர்ந்தெடுக்கப்பட்டு 12 பேர் கொண்டு பெயர்ப்பட்டியல் பின்னர் அறிவிக்கப்படும் எனவும் தெரிவிக்கப்பட்டுள்ளது.
பொதுவான ரசிகர்கள் மூலம் வாக்கெடுப்பு நடத்தப்படும். இந்த வாக்கெடுப்பு வருகிற நவம்பர் மாதம் 11 ஆம் தேதி முதல் 24 ஆம் தேதி வரை பிக்-பாஸ் செயலியில் நடைபெறவிருக்கிறது. இந்த வாக்கெடுப்பில் தேர்வு செய்யப்படும் வீராங்கனைகள் கடந்த பத்தாண்டின் சிறந்த வீராங்கனையாக கௌரவிக்கும்.
இந்த இறுதிப்பட்டியல் வருகிற டிசம்பர் 1 ஆம் தேதி பிக்பாஸ் தொடரின் இறுதிப்போட்டியில் அறிவிக்கப்படும் என்று தெரிவிக்கப்பட்டுள்ளது. லீக் விதிகளின் படி அந்த அணியில் மூன்று வெளிநாட்டு வீராங்கனைகள் இடம்பெறுவார்கள்.
தேர்வுக் குழுவில் ஆஸ்திரேலியாவின் க்ளீயா ஸ்மித் தலைவராக உள்ளார். மேலும், மெல் ஜோன்ஸ், லிசா ஸ்டாலேகர், மேத்யூ மோட், குவென்டின் ஹல், லாரா ஜாலி மற்றும் அலிஸ்டர் டாப்சன் ஆகியோரும் இடம் பெற்றுள்ளனர்.
பத்தாண்டுகளில் சிறப்பாக விளையாடிய 50 வீரங்கனைகள்:
சாரா அலே, சமந்தா பேட்ஸ், சுசி பேட்ஸ், அலெக்ஸ் பிளாக்வெல், நிக்கோல் போல்டன், நிக்கோலா கேரி, லாரன் சீட்டில், சாரா கோய்ட், ஹன்னா டார்லிங்டன், சோஃபி டிவைன், மிக்னான் டு ப்ரீஸ், ஜெஸ் டஃபின்,
ரெனே ஃபாரெல், ஆஷ்லே கார்ட்னர், ஹீதர் கிரஹாம், நிக்கோலா ஹான்காக், கிரேஸ் ஹாரிஸ், லாரா ஹாரிஸ், ரேச்சல் ஹெய்ன்ஸ், அலிசா ஹீலி, சமி-ஜோ ஜான்சன், ஜெஸ் ஜோனாசென், மரிசான் கேப், ஹர்மன்ப்ரீத் கௌர், டெலிசா கிம்மின்ஸ், அலனா கிங், ஹீதர் நைட், மெக் லானிங்,
லிசெல் லீ, கேட்டியன் மேக், ஹேலி மேத்யூஸ், டாஹ்லியா மெக்ராத், டெகன் மெக்பார்லின், சோஃபி மோலினக்ஸ், பெத் மூனி, எல்லிஸ் பெர்ரி, ரேச்சல் ப்ரீஸ்ட், ஜார்ஜியா ரெட்மெய்ன், ஏமி சாட்டர்த்வைட், மேகன் ஷட்,
நடாலி ஸ்கிவர்-பிரண்ட், மோலி ஸ்ட்ரானோ, அனாபெல் சதர்லேண்ட், ஸ்டாபானி டெய்லர், டேன் வான் நீகெர்க், எலிஸ் வில்லனி, ஜார்ஜியா வேர்ஹாம், அமண்டா-ஜேட் வெலிங்டன், லாரா வால்வார்ட், டேனி வியாட்-ஹாட்ஜ்.