மதுரை: “இபிஎஸ் முதல்வராக இருந்தபோது ஆக்கபூர்வமான பணிகளை மேற்கொள்ள அமெரிக்கா சென்றார். ஆனால், தற்போது முதல்வர் மு.க.ஸ்டாலின் அமெரிக்காவுக்கு ஜாலி ட்ரிப் சென்றது போல சைக்கிள், பைக், கார் ஓட்டி சுற்றிவருகிறார்” என்று முன்னாள் அமைச்சர் செல்லூர் கே.ராஜூ விமர்சித்துள்ளார்.
அதிமுக முன்னாள் அமைச்சர் செல்லூர் கே.ராஜூ, மதுரை மாநகராட்சிக்குட்பட்ட 100 வார்டுகளில் உள்ள குடிநீர், சாலை வசதி, பாதாள சாக்கடை பிரச்சினைகள் தொடர்பாக மாநகராட்சி ஆணையாளர் தினேஷ்குமாரை இன்று (செப்.4) நேரில் சந்தித்து கோரிக்கை மனு அளித்தார். அவருடன் மாமன்ற எதிர்கட்சித் தலைவர் சோலை ராஜா மற்றும் அதிமுக கவுன்சிலர்கள், நிர்வாகிகள் உடன் வந்திருந்தனர்.