அரிசி ஏற்றுமதி மீதான தடையை நீக்கிய இந்தியா… காரணம் என்ன?

அரிசிஏற்றுமதி மீதான தடையை நீக்கிய இந்தியா… காரணம் என்ன?

மலேசியாவிற்கு 2,00,000 டன் பாஸ்மதி அல்லாத வெள்ளை அரிசியை ஏற்றுமதி செய்ய இந்தியா அனுமதி அளித்துள்ளதாக அதிகாரப்பூர்வ தகவல் தெரிவிக்கப்பட்டுள்ளது.

மலேசியாவின் பிரதமர் டத்தோஸ்ரீ அன்வார் பின் இப்ராகிம் அரசுமுறை பயணமாக புதுடெல்லிக்கு வந்திருந்த நிலையில், மலேசியாவுக்கான அரிசி ஏற்றுமதி தேசிய கூட்டுறவு ஏற்றுமதி லிமிடெட் மூலம் அனுமதிக்கப்படுவதாக ஆகஸ்ட் 20 தேதியிட்ட தனது அறிவிப்பில், வெளிநாட்டு வர்த்தக இயக்குநரகம் (DGFT) தெரிவித்துள்ளது. அக்டோபர் 2023-ம் ஆண்டு, 170,000 டன் பாஸ்மதி அல்லாத வெள்ளை அரிசியை மலேசியாவிற்கு ஏற்றுமதி செய்ய இந்தியா அனுமதித்திருந்தது குறிப்பிடத்தக்கது.

விளம்பரம்

Hari yang sarat dengan pertemuan dua hala melibatkan Malaysia dan India, Alhamdulillah semuanya berjalan lancar.
Selain itu saya turut berkongsi pandangan menerusi syarahan umum bertajuk ‘Towards a Rising Global South: Leveraging Malaysia-India Ties’ di Sapru House Indian… pic.twitter.com/9UIraItC1G

— Anwar Ibrahim (@anwaribrahim) August 21, 2024

விளம்பரம்

முன்னதாக, நேபாளம், கேமரூன், கோட் டி ஐவரி, கினியா குடியரசு, பிலிப்பைன்ஸ், சீஷெல்ஸ், ஐக்கிய அரபு எமிரேட்ஸ், சிங்கப்பூர், கொமோரோஸ், மடகாஸ்கர், ஈக்வடோரியல் கினியா, எகிப்து, கென்யா, தான்சானியா ஆகிய நாடுகளுக்கு இதுபோன்று பல்வேறு வகையான அரிசியை வெவ்வேறு அளவுகளில் ஏற்றுமதி செய்ய இந்தியா அனுமதி அளித்தது.

விளம்பரம்

பாஸ்மதி அல்லாத வெள்ளை அரிசியின் சில ஏற்றுமதிகள், வரையறுக்கப்பட்ட அளவுகளிலும், சில நிபந்தனைகளுக்கு உட்பட்டும் பின்னர் அனுமதிக்கப்பட்டன. பாஸ்மதி அல்லாத வெள்ளை அரிசி தொடர்பான ஏற்றுமதி கொள்கை “இலவசம்” என்பதிலிருந்து “தடைசெய்யப்பட்டது” என்று மத்திய அரசால் திருத்தப்பட்டது.

இதையும் படிக்க:
சென்னையில் ஏஐ ஆய்வகங்களை அமைக்கிறது கூகுள் நிறுவனம்… அமெரிக்காவில் முதல்வர் ஸ்டாலின் முன்னிலையில் புரிந்துணர்வு ஒப்பந்தம்!

அரிசி ஏற்றுமதி கொள்கையை ஆரம்பத்தில் திருத்தியபோது, ​​மற்ற நாடுகளின் உணவுப் பாதுகாப்புத் தேவைகளைப் பூர்த்தி செய்ய இந்திய அரசாங்கம் வழங்கிய அனுமதியின் அடிப்படையில் மற்றும் வெளிநாட்டு அரசாங்கத்தின் கோரிக்கையினை பரிசீலித்து அதன் அடிப்படையில் ஏற்றுமதி அனுமதிக்கப்படும் என்று முன்னர் DGFT கூறியிருந்தது.

விளம்பரம்

கடந்த ஆண்டு ஆகஸ்ட் மாத இறுதியில், பாஸ்மதி அல்லாத வெள்ளை அரிசியை ஏற்றுமதி செய்வதைத் தடுக்க, பாஸ்மதி அரிசியின் ஏற்றுமதிக்கு (ஒரு டன் 1,200 அமெரிக்க டாலர் அல்லது அதற்கும் அதிகமாக) குறைந்தபட்ச தர நிர்ணய விலையை விதித்து, இந்தியா கூடுதல் பாதுகாப்புகளை அறிமுகப்படுத்தியது. ஏற்கனவே இவை ஜூலை மாதத்திலிருந்து தடை செய்யப்பட்ட பிரிவின் கீழ் உள்ளது.

இதையும் படிக்க:
அனுமதி இலவசம்… ஷாப்பிங் மாலில் திடீர் கொள்ளையர்களாக மாறிய பொதுமக்கள்… பாகிஸ்தானில் அதிர்ச்சி!

விளம்பரம்

மேற்கு ஆப்பிரிக்க நாடான பெனின், இந்தியாவில் இருந்து பாசுமதி அல்லாத அரிசியை இறக்குமதி செய்யும் முக்கிய நாடுகளில் ஒன்றாகும். ஐக்கிய அரபு எமிரேட்ஸ், நேபாளம், பங்களாதேஷ், சீனா, கோட் டி ஐவரி, டோகோ, செனகல், கினியா, வியட்நாம், ஜிபூட்டி, மடகாஸ்கர், கேமரூன் சோமாலியா, மலேசியா மற்றும் லைபீரியா போன்ற நாடுகளும் இந்தியாவிலிருந்து குறிப்பிடத்தகுந்த அளவு அரிசியை இறக்குமதி செய்கின்றன.

• Whatsapp
• Facebook
• Telegram
• Twitter
• Follow us onFollow us on google news

.Tags:
Basmati Rice
,
export