ஆஸ்திரேலிய சுழற்பந்துவீச்சாளர் ஆடம் ஸாம்பா அவரது 100-வது ஒருநாள் போட்டியில் விளையாடவுள்ளார்.
ஆஸ்திரேலிய அணி இங்கிலாந்தில் சுற்றுப்பயணம் மேற்கொண்டு 3 டி20 மற்றும் 5 ஒருநாள் போட்டிகள் கொண்ட தொடர்களில் விளையாடி வருகிறது. இரு அணிகளுக்கும் இடையிலான டி20 தொடர் அண்மையில் நிறைவடைந்த நிலையில், ஒருநாள் தொடர் நாளை மறுநாள் (செப்டம்பர் 19) தொடங்குகிறது.
10 ஆண்டுகளுக்குப் பிறகு டி20 கிரிக்கெட்டுக்கு திரும்புகிறாரா ஜேம்ஸ் ஆண்டர்சன்?
100-வது ஒருநாள் போட்டி
ஆஸ்திரேலியா மற்றும் இங்கிலாந்து அணிகளுக்கு இடையிலான முதல் ஒருநாள் போட்டி நாளை மறுநாள் (செப்டம்பர் 19) டிரண்ட்பிரிட்ஜில் நடைபெறுகிறது.
இங்கிலாந்துக்கு எதிரான முதல் ஒருநாள் போட்டி ஆஸ்திரேலிய அணியின் நட்சத்திர சுழற்பந்துவீச்சாளரான ஆடம் ஸாம்பா விளையாடவுள்ள 100-வது ஒருநாள் போட்டியாகும். இங்கிலாந்துக்கு எதிரான ஒருநாள் தொடருக்கான ஆஸ்திரேலிய அணியில் இடம்பெற்றுள்ள வீரர்களில் ஸ்டீவ் ஸ்மித் மற்றும் மிட்செல் ஸ்டார்க்கை தவிர்த்து ஆடம் ஸாம்பா மட்டுமே ஆஸ்திரேலியாவுக்காக 100-வது ஒருநாள் போட்டியில் விளையாடவுள்ளார்.
இதுவரை 99 ஒருநாள் போட்டிகளில் விளையாடியுள்ள ஆடம் ஸாம்பா 169 விக்கெட்டுகளைக் கைப்பற்றியுள்ளார். அவரது சிறந்த பந்துவீச்சு 5/35 ஆகும்.
இந்தியாவுக்கு எதிரான டெஸ்ட் தொடரை ஆஸ்திரேலியா கைப்பற்றும்; பாகிஸ்தான் பயிற்சியாளர் நம்பிக்கை!
100-வது போட்டி குறித்து…
ஆஸ்திரேலிய அணிக்காக 100-வது ஒருநாள் போட்டியில் விளையாடவுள்ளது குறித்து ஆடம் ஸாம்பா பேசியுள்ளார்.
அவர் பேசியதாவது: ஆஸ்திரேலிய அணிக்காக 100-வது ஒருநாள் போட்டியில் விளையாடவுள்ளது எனக்கு மிகுந்த மகிழ்ச்சியை கொடுக்கிறது. ஆஸ்திரேலிய அணிக்காக இத்தனை போட்டிகளில் விளையாடுவேன் என ஒருபோதும் நினைத்ததில்லை. 100-வது ஒருநாள் போட்டியில் விளையாடவுள்ளது மகிழ்ச்சியளிக்கிறது. என்னுடன் எனது பெற்றோர், மனைவி, மகன் ஆகியோர் உள்ளனர். அவர்கள் முன்னிலையில் 100-வது ஒருநாள் போட்டியில் விளையாடவுள்ளது மிகவும் சிறப்பானதாக இருக்கும் என்றார்.