இந்தியாவுக்கு எதிரான டெஸ்ட் தொடரில் வெற்றி பெற்று மாற்றத்தை ஏற்படுத்த முடியும் என்ற நம்பிக்கை இருப்பதாக ஆஸ்திரேலிய அணியின் கேப்டன் பாட் கம்மின்ஸ் தெரிவித்துள்ளார்.
பார்டர் – கவாஸ்கர் கோப்பை
இந்திய அணி ஆஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட பார்டர் – கவாஸ்கர் டெஸ்ட் தொடரில் விளையாடவுள்ளது. கடந்த 2018-19 மற்றும் 2020-21 ஆம் ஆண்டுகளில் நடைபெற்ற பார்டர் கவாஸ்கர் கோப்பை டெஸ்ட் தொடரை இந்திய அணி தொடர்ச்சியாக கைப்பற்றி அசத்தியது. தொடர்ச்சியாக மூன்றாவது முறையாக பார்டர் கவாஸ்கர் தொடரை இந்திய அணி கைப்பற்றுமா என்ற எதிர்பார்ப்பு ரசிகர்கள் மத்தியில் எழுந்துள்ளது.
பாக். டெஸ்ட் தொடரை வென்று வரலாறு படைத்தது வங்கதேசம்!
தொடரை வெல்வோம்
இந்தியாவுக்கு எதிரான 5 போட்டிகள் கொண்ட பார்டர் கவாஸ்கர் டெஸ்ட் தொடரை வெல்ல முடியும் என்ற நம்பிக்கை இருப்பதாக ஆஸ்திரேலிய அணியின் கேப்டன் பாட் கம்மின்ஸ் தெரிவித்துள்ளது முக்கியத்துவம் பெறுகிறது.
இது தொடர்பாக அவர் பேசியதாவது: இந்தியாவுக்கு எதிராக ஆஸ்திரேலிய மண்ணில் நடைபெற்ற கடைசி இரண்டு டெஸ்ட் தொடர்களிலும் எங்களால் வெற்றிபெற முடியவில்லை. இந்தியாவுக்கு எதிரான பார்டர் கவாஸ்கர் தொடரை வென்று நீண்ட நாள்கள் ஆகிறது. இந்த முறை இந்தியாவுக்கு எதிரான பார்டர் கவாஸ்கர் தொடரை வெல்வோம் என்ற நம்பிக்கை உள்ளது.
இந்தியாவுக்கு எதிராக அதிக முறை விளையாடியுள்ளோம். பல முறை இந்தியாவுக்கு எதிராக தோல்வியடைந்துள்ளோம். பலமுறை இந்தியாவுக்கு எதிராக வெற்றியும் பெற்றிருக்கிறோம். இந்தியாவுக்கு எதிராக கடைசியாக உலக டெஸ்ட் சாம்பியன்ஷிப் இறுதிப்போட்டியில் விளையாடியிருந்தோம். அந்தப் போட்டியில் ஆஸ்திரேலியா வெற்றி பெற்றது. பார்டர் கவாஸ்கர் கோப்பை இரண்டு அணிகளுக்கும் சவாலானதாக இருக்கப் போகிறது. இரு அணிகளுக்கும் இடையிலான இந்த டெஸ்ட் தொடரை எதிர்நோக்கி ஆவலாக காத்திருக்கிறேன்.
விராட் கோலி என்னுடைய முன்மாதிரி; ஆர்சிபிக்காக விளையாட விரும்புகிறேன்: பிரியன்ஷ் ஆர்யா
இந்தியா மற்றும் ஆஸ்திரேலிய அணிகளுக்கு இடையிலான பார்டர் கவாஸ்கர் டெஸ்ட் தொடர் வருகிற நவம்பர் 22 ஆம் தேதி தொடங்குவது குறிப்பிடத்தக்கது.