புதுடெல்லி,
7 கட்டங்களாக நடைபெற்ற நாடாளுமன்ற மக்களவை தேர்தல் வாக்குப்பதிவு இன்று நிறைவடைந்தது. இந்நிலையில் மக்களவை தேர்தலில் ‘இந்தியா’ கூட்டணி 295 இடங்களில் வெற்றி பெறும் என்றும், பா.ஜ.க.விற்கு 220 இடங்கள் கிடைக்கும் என்றும் டெல்லி முதல்-மந்திரி அரவிந்த் கெஜ்ரிவால் தெரிவித்துள்ளார். இது குறித்து செய்தியாளர்களிடம் அவர் கூறியதாவது;-
"மக்களவை தேர்தலில் 'இந்தியா' கூட்டணி 295 இடங்களில் வெற்றி பெறும். பா.ஜ.க.விற்கு 220 இடங்களும், தேசிய ஜனநாயக கூட்டணிக்கு 235 இடங்களும் கிடைக்கும். 'இந்தியா' கூட்டணி வலிமையான மற்றும் நிலையான அரசாங்கத்தை உருவாக்கும். பிரதமர் பதவி குறித்து 4-ந்தேதி முடிவு செய்யப்படும்."
இவ்வாறு கெஜ்ரிவால் தெரிவித்தார்.