நடப்பு டி20 உலகக்கோப்பை தொடரில் ஆப்கானிஸ்தான் பந்து வீச்சாளரான பசல்ஹாக் பரூக்கி இதுவரை 15 விக்கெட்டுகள் வீழ்த்தியுள்ளார்.
பார்படாஸ்,
ரசிகர்களை மகிழ்வித்து வரும் 9-வது டி20 உலகக்கோப்பை தொடர் விறுவிறுப்பான கட்டத்தை எட்டியுள்ளது. இதுவரை 46 ஆட்டங்கள் (லீக் மற்றும் சூப்பர் 8 சுற்று சேர்த்து) முடிவடைந்துள்ளன. லீக் சுற்று முடிவில் இந்தியா, ஆஸ்திரேலியா, வெஸ்ட் இண்டீஸ், அமெரிக்கா, இங்கிலாந்து, தென் ஆப்பிரிக்கா, வங்காளதேசம் மற்றும் ஆப்கானிஸ்தான் ஆகிய அணிகள் சூப்பர் 8 சுற்றுக்கு முன்னேறியுள்ளன.
இவை 2 பிரிவுகளாக பிரிக்கப்பட்டு தங்களுக்குள் ஒரு முறை மோதி வருகின்றன. முடிவில் இரு அணிகளிலும் முதல் 2 இடங்களை பிடிக்கும் அணிகள் அரையிறுதிக்கு முன்னேறும்.
நடப்பு தொடரில் இதுவரை அதிக விக்கெட்டுகள் வீழ்த்திய பந்து வீச்சாளர்கள் வரிசையில் ஆப்கானிஸ்தான் வீரரான பசல்ஹாக் பரூக்கி 15 விக்கெட்டுகளுடன் முதலிடத்தில் உள்ளார். அவர் இன்னும் 2 விக்கெட்டுகள் வீழ்த்தினால் டி20 உலகக்கோப்பை வரலாற்றில் ஒரு சீசனில் அதிக விக்கெட்டுகள் வீழ்த்திய பந்து வீச்சாளர் என்ற மாபெரும் சாதனையை படைப்பார்.
அந்த பட்டியல்:
1. வனிந்து ஹசரங்கா – 16 விக்கெட்டுகள்
2. அஜந்தா மெண்டிஸ்/ வனிந்து ஹசரங்கா/ பசல்ஹாக் பரூக்கி – 15 விக்கெட்டுகள்
பரூக்கிக்கு குறைந்தபட்சாம் இன்னும் 2 ஆட்டங்கள் எஞ்சியுள்ளதால் இந்த மாபெரும் சாதனையை படைக்க அதிக வாய்ப்புள்ளது என்பது குறிப்பிடத்தக்கது.