உடல் எடையை அதிகரிக்கும் ராம் சரண்!

நடிகர் ராம் சரண் தனது 16ஆவது படத்துக்காக உடல் எடையைக் கூட்டி வருகிறார்.

தெலுங்கு நடிகர்களில் மிகவும் பிரபல நடிகராக ராம் சரண் இருக்கிறார். ராஜமௌலி இயக்கத்தில் வெளியான ஆர்ஆர்ஆர் திரைப்படம் ரூ.1,000 கோடிக்கும் அதிகமாக வசூலித்து அசத்தியது.

இயக்குநர் ஷங்கர் இயக்கத்தில் கேம் சேஞ்சர் படத்தில் நடித்து முடித்துள்ளார் ராம் சரண். இதில், எஸ்.ஜே.சூர்யா, அஞ்சலி, கியாரா அத்வானி உள்பட பலர் நடித்துள்ளார்கள். விரைவில் திரைக்கு வருமென எதிர்பார்க்கப்படுகிறது.

இதையும் படிக்க:ஒரு பக்கம் விரதம்..! மறுபக்கம் படப்பிடிப்பு..! பவன் கல்யாணின் படப்பிடிப்பு துவக்கம்!

16ஆவது படம்

கேம் சேஞ்சர் படத்துக்குப் பிறகு 16ஆவது படமாக உருவாகும் படத்துக்காக சுமார் 100 கிலோ எடையைக் கொண்ட கதாபாத்திரமாக ராம் சரண் மாறவிருப்பதாக தெலுங்கு ஊடகங்களில் தகவல்கள் வெளியாகியுள்ளன.

சமீபத்தில் உடற்பயிற்சி நிபுணர் ஷிவோகம் உடன் இணைந்து புகைப்படம் ஒன்றினை வெளியிட்டிருந்தார்.

ஆர்சி 16 என தற்காலிகமாகப் பெயரிடப்பட்டுள்ள இந்தப் படத்தை உப்பெனா படத்தை இயக்கிய புச்சி பாபு சனா இயக்குகிறார்.

Beast mode on #RC16 loading… @Shivohamshivfitpic.twitter.com/6Oz3bXpySp

— Ram Charan (@AlwaysRamCharan) September 16, 2024

இதையும் படிக்க: தமிழ்நாட்டிலுள்ள அனைத்து ஊர்களிலும் இசை நிகழ்ச்சி..! இளையராஜா அறிவிப்பு!

17ஆவது படம்

ஆர்சி16க்குப் பிறகு 17ஆவது படத்தில் சுகுமார் இயக்கத்தில் நடிக்கிறார். ஏற்கனவே ரங்கஸ்தலம் என்ற படத்தில் இவர்கள் இணைந்திருந்தது குறிப்பிடத்தக்கது. மைத்ரி மூவி மேக்கர்ஸ் இந்தப் படத்தினை தயாரிக்கிறார்கள்.

#RC17 the force reunites @aryasukku@ThisIsDSP@MythriOfficialpic.twitter.com/yyXv7Fnx9N

— Ram Charan (@AlwaysRamCharan) March 25, 2024