கங்குவாவில் கார்த்தி?
நடிகர் கார்த்தி கங்குவா திரைப்படத்தில் நடிக்க உள்ளதாகத் தகவல் வெளியாகியுள்ளது.
நடிகர் கார்த்தி ஜப்பான் படத்தின் தோல்விக்குப் பின் கவனமாக கதைகளைத் தேர்ந்தெடுத்து நடிக்கிறார். இவர் நடித்து முடித்த மெய்யழகன், வா வாத்தியார் திரைப்படங்கள் அடுத்தடுத்து வெளியாக உள்ளன.
இந்த நிலையில், நடிகர் கார்த்தி தன் அண்ணன் நடிகர் சூர்யா நடிக்கும் கங்குவா படத்தில் சிறப்பு தோற்றத்தில் நடிக்க உள்ளதாகப் புதிய தகவல் வெளியாகியுள்ளது.
நடிகர் கார்த்தி நடித்த கடைக்குட்டி சிங்கம் படத்தில் நடிகர் சூர்யா ஒரு காட்சியில் நடித்திருந்தார். ஆனால், இருவரும் இணைந்து இதுவரை எந்தப் படத்திலும் நடித்ததில்லை.
கார்த்திக்கு, கங்குவா படத்தில் சிறப்பு தோற்றமா இல்லை கங்குவா இரண்டாம் பாகத்தின் வில்லன் கதாபாத்திரமா என்பது விரைவில் தெரியும்.