‘கங்குவா’ வெளியீட்டுத் தேதி அறிவிப்பு

‘கங்குவா’ வெளியீட்டுத் தேதி அறிவிப்பு சூர்யா நடிக்கும் ‘கங்குவா’ படத்தின் வெளியீட்டுத் தேதி அறிவிக்கப்பட்டுள்ளது

சூர்யா நடிக்கும் 'கங்குவா' படத்தின் வெளியீட்டுத் தேதி அறிவிக்கப்பட்டுள்ளது

சிறுத்தை சிவா இயக்கும் 'கங்குவா' படத்தில் சூர்யா நடித்து முடித்துள்ளார். இப்படத்தை ஞானவேல் ராஜா தயாரிக்கிறார். இதில் சூர்யாவுக்கு ஜோடியாக பாலிவுட் நடிகை திஷா படானியும் வில்லனாக நட்டி (நடராஜ்) நடித்துள்ளனர்.

அனிமல் படத்தில் வில்லனாக நடித்து கவனம் ஈர்த்த நடிகர் பாபி தியோல் முக்கிய கதாபாத்திரத்தில் நடித்துள்ளார்.

பிரம்மாண்ட பொருள் செலவில் உருவானதால் படத்தின் மீதான எதிர்பார்ப்பு அதிகரித்துள்ளது. மேலும், கிராபிக்ஸ் பணிகளும் அதிகம் இருப்பதால் ஹாலிவுட் நிபுணர்கள் இப்படத்திற்காக பணியாற்றி வருகின்றனர்.

இப்படத்தின் போஸ்டர்கள் வெளியானாலும், வெளியீட்டிற்காக ரசிகர்கள் காத்திருந்தனர்.

இந்த நிலையில், கங்குவா' திரைப்படம் வரும் அக்டோபர் 10 ஆம் தேதி வெளியாகவுள்ளதாக படக்குழு அதிகாரபூர்வமாக தெரிவித்துள்ளது.