கலைஞர் பெயர் உயர்ந்து நிற்கும்.. உயிரென நிற்கும்: முதல்-அமைச்சர் மு.க.ஸ்டாலின்

கலைஞர் பெயர் உயர்ந்து நிற்கும் என முதல்-அமைச்சர் மு.க.ஸ்டாலின் தெரிவித்துள்ளார்.

சென்னை,

முன்னாள் முதல்-அமைச்சர் கருணாநிதி நினைவுதினம் இன்று அனுசரிக்கப்படுகிறது. இதையொட்டி, முதல்-அமைச்சர் மு.க.ஸ்டாலின் தனது எக்ஸ் தளத்தில் தெரிவித்து இருப்பதாவது;

"தமிழ்நாடு அடைந்துள்ள முன்னேற்றங்களையெல்லாம் பட்டியலிட்டு – அதன் வரலாற்றைச் சொன்னால், தலைவர் கலைஞர் பெயர் உயர்ந்து நிற்கும்; உயிரென நிற்கும்!

ஆறாத வடுவென – ஆற்றுப்படுத்த முடியாத துயரென அவர் நம்மைப் பிரிந்து ஆண்டுகள் ஆகிவிட்டது ஆறு!

இந்நாளில் அண்ணனின் அருகில் அவர் ஓய்வுகொண்டிருக்கும் கடற்கரைக்கு உடன்பிறப்புகள் சென்று, "அவர் காட்டிய வழிதனில் – அவர் கட்டிய படை பீடுநடை போடும்; தமிழும் தமிழ்நாடும் அவனிதனில் உயர்ந்து விளங்கப் பாடுபடும்!" என உறுதியெடுத்து உரமூட்டிக் கொண்டோம்."

இவ்வாறு அதில் தெரிவிக்கப்பட்டுள்ளது.