‘சட்டப்பேரவைத் தொகுதிதோறும் தேசியக்கொடியுடன் பைக் பேரணி’

‘சட்டப்பேரவைத் தொகுதிதோறும்
தேசியக்கொடியுடன் பைக் பேரணி’பாஜக சாா்பில் சட்டப்பேரவைத் தொகுதிதோறும் தேசியக்கொடியுடன் பைக் பேரணி நடத்தப்பட உள்ளது.

பாஜக சாா்பில் சட்டப்பேரவைத் தொகுதிதோறும் தேசியக்கொடியுடன் பைக் பேரணி நடத்தப்பட உள்ளது.

இதுதொடா்பாக, பாஜக கன்னியாகுமரி கோட்டப் பொறுப்பாளா் கதளி நரசிங்க பெருமாள், திருநெல்வேலியில் செய்தியாளா்களிடம் செவ்வாய்க்கிழமை கூறியது: பாஜக சாா்பில் அன்னையின் பெயரில் இல்லம்தோறும் மரம்நடுவோம், வீடுதோறும் தேசியக்கொடியேற்றுவோம் என்ற நிகழ்ச்சி நடத்தப்பட உள்ளது. அதன்படி, இம் மாதம் 11 முதல் 15 ஆம் தேதி வரை பல்வேறு நிகழ்ச்சிகள் நடத்தப்பட உள்ளன. இதுதொடா்பாக திருநெல்வேலி, கன்னியாகுமரி, தென்காசி, தூத்துக்குடி, விருதுநகா் மாவட்ட நிா்வாகிகளின் ஆலோசனைக் கூட்டம் நடத்தப்பட்டுள்ளது.

தேசபக்தியே ஒரு நாட்டின் வளா்ச்சிக்கு முக்கியகாரணம். ஆகவே, சுதந்திர தினத்தை பண்டிகை போல கொண்டாட வேண்டும். சுதந்திர தினம் மற்றும் இந்தியாவின் வரலாற்றின் விழிப்புணா்வை இளையதலைமுறையிடம் கொண்டு சோ்க்கும் வகையில் தேசியக்கொடிஏந்தி சட்டப்பேரவைத்தொகுதி தோறும் பைக் பேரணி நடத்தப்பட உள்ளது. மேலும், 50 லட்சத்திற்கும் மேற்பட்ட வீடுகளில் தேசியக்கொடியேற்றப்பட உள்ளது. விடுதலைப் போராட்ட வீரா்களின் இல்லங்கள், மணிமண்டபங்களை சுத்தம் செய்து தலைவா்களின் சிலைகளுக்கு மாலை அணிவிக்கப்பட உள்ளது. குழந்தைகளுக்கான மாறுவேட போட்டிகளும் நடத்தப்பட உள்ளன என்றாா். பேட்டியின்போது, பாஜக தச்சநல்லூா் மண்டல தலைவா் மலையரசன் உடனிருந்தாா்.