சர்க்கரை நோயால் ஏற்படும் விளைவுகள்

ரத்த சர்க்கரை அதிகமாகும்போது மூளையில் உள்ள நரம்பு செல்கள் பாதிப்படைந்து, டிமென்ஷியா, பக்கவாதம் போன்ற பிரச்சினைகள் ஏற்படலாம்.

சர்க்கரை நோயால் ஏறக்குறைய உடம்பில் அனைத்து உறுப்புகளும் பாதிப்படைகின்றன. கீழ்க்கண்ட பாதிப்புகள் மிகமுக்கியமானதாக கருதப்படுகிறது.

1. இருதய பாதிப்பு:

நீரிழிவு நோயாளிகளுக்கு இதயத்திற்கு செல்லும் ரத்த ஓட்டம் குறைந்து மாரடைப்பு, இதய தசைநோய் (Cardiomyopathy), உயர் ரத்த அழுத்தம் போன்ற பிரச்சினைகள் ஏற்படுகின்றன.

2. மன ஆரோக்கிய பாதிப்பு:-

நீரிழிவு நோயாளிகளுக்கு மன அழுத்தத்தினால் கோபம், எரிச்சல், வெறுப்பு, சலிப்பு போன்றவை ஏற்படலாம்.

3. கண் பாதிப்பு:

கண் விழித்திரை பாதிப்பு, கண் அழுத்த நோய்(Glaucoma), கண்புரை போன்ற கண்பார்வை குறைபாடு பிரச்சினைகள்.

4. சிறுநீரக பாதிப்பு:

நீரிழிவு நோயாளிகளுக்கு ரத்தநாளங்கள் மற்றும் சிறுநீரக செல்கள் பாதிப்படைவதால் சிறுநீரகங்கள் வீக்கம் அடைகின்றன. ரத்தம் வடிக்கட்டும் செயல்பாடு குறைவதால் சிறுநீரக செயலிழப்பு ஏற்படுகிறது.

5. நரம்பு மண்டல பாதிப்பு:

ரத்த சர்க்கரை அதிகமாகும்போது மூளையில் உள்ள நரம்பு செல்கள் பாதிப்படைந்து, டிமென்ஷியா, பக்கவாதம் போன்ற பிரச்சினைகள் ஏற்படலாம்.

6. சரும பிரச்சினைகள்:

நீரிழிவு நோயாளிகள் சருமத்தில் கருமையாதல், சருமத்தில் தடிப்பு உருவாகுதல்(Acanthosis Nigricans) அகான்த்தோஸிஸ்நைக்ரிகன்ஸ், தோல்தொற்று, கொப்பளங்கள், தோல்வறட்சி, அரிப்பு போன்றவை ஏற்படலாம்.

7. நோய் எதிர்ப்பு மண்டல பாதிப்பு:

ரத்த சர்க்கரை அதிகமாகும்போது நோய் எதிர்ப்பு மண்டலம் வலுவிழந்து தொற்றுகள் ஏற்பட வழி வகுக்கிறது.

நீரிழிவு மாத்திரைகளை சரியான நேரத்திலும் அளவிலும் உட்கொண்டால் ரத்த சர்க்கரை அளவு கட்டுப்படுத்தப்பட்டு இந்த பாதிப்புகள் பெருமளவு குறையும்.