சர்வதேச கிரிக்கெட்டில் வங்கதேச வீரர் முஷ்ஃபிகர் ரஹிம் புதிய சாதனை ஒன்றை படைத்துள்ளார்.
இந்தியா மற்றும் வங்கதேச அணிகளுக்கு இடையிலான முதல் டெஸ்ட் போட்டி சென்னை சேப்பாக்கம் மைதானத்தில் நடைபெற்று வருகிறது. இந்தப் போட்டியில் 515 ரன்கள் எடுத்தால் வெற்றி என்ற இலக்கை நோக்கி வங்கதேச அணி விளையாடி வருகிறது.
ஒருநாள் போட்டிகளில் அடில் ரஷித் புதிய சாதனை!
சர்வதேச போட்டிகளில் அதிக ரன்கள்
இந்த போட்டியில் வங்கதேச வீரர் முஷ்ஃபிகர் ரஹிம் புதிய சாதனை ஒன்றை படைத்துள்ளார். முதல் இன்னிங்ஸில் 8 ரன்களும், இரண்டாவது இன்னிங்ஸில் 13 ரன்களும் குவித்த ரஹிம் சர்வதேச போட்டிகளில் வங்கதேச அணிக்காக அதிக ரன்கள் குவித்த வீரராக மாறி சாதனை படைத்துள்ளார்.
சர்வதேச போட்டிகளில் முஷ்ஃபிகர் ரஹிம் 15,194 ரன்கள் குவித்துள்ளார். முன்னதாக, வங்கதேச அணியின் முன்னாள் கேப்டன் தமிம் இக்பால் 15,192 ரன்களுடன் வங்கதேச அணிக்காக அதிக ரன்கள் குவித்தவராக இருந்தார். தற்போது அவரை பின்னுக்குத் தள்ளி முஷ்ஃபிகர் ரஹிம் முதலிடம் பிடித்துள்ளார்.
எம்.எஸ்.தோனியின் சாதனையை சமன் செய்த ரிஷப் பந்த்!
14,696 ரன்களுடன் ஷகிப் அல் ஹசன் மூன்றாவது இடத்திலும், 10,694 ரன்களுடன் மஹ்மதுல்லா நான்காவது இடத்திலும் உள்ளது குறிப்பிடத்தக்கது.