வைபவ் நடிப்பில் உருவாகும் 'சென்னை சிட்டி கேங்ஸ்டர்' படத்தின் முதல் பாடல் வெளியாகி வைரலாகி வருகிறது.
சென்னை,
சென்னை 28, சரோஜா, கோவா படங்களில் நகைச்சுவை கதாப்பாத்திரத்தில் வைபவ் சிறப்பான நடிப்பை வெளிப்படுத்தி இருப்பார். 'கப்பல்' படத்தில் கதாநாயகனாக நடித்தார். பின்னர், பிரியா பவானி சங்கர் மற்றும் வைபவ் இணைந்து 2017-ம் ஆண்டு 'மேயாத மான்' படத்தில் நடித்தனர். மேயாத மான் சிறந்த படமாக அமைந்தது. மக்கள் அனைவராலும் ரசிக்கப்பட்ட படம். இதனால் வைபவின் புகழ் ஓங்கியது.
வைபவின் 25-வது படமான 'ரணம் அறம் தவறேல்' படத்தை ஷெரிப் இயக்கினார். இந்த படம் மக்களிடம் நல்ல வரவேற்பை பெற்றது. இதைத்தொடர்ந்து வைபவ் 'சென்னை சிட்டி கேங்ஸ்டர்' என்ற திரைப்படத்தில் நடித்துள்ளார். இந்த படத்தினை விக்ரம் ராஜேஷ்வர் மற்றும் அருண் கேசவ் இணைந்து இயக்கியுள்ளனர். ஆனந்த் ராஜ், இளவரசு, மொட்ட ராஜேந்திரன், ஜான் விஜய், ரெடின் கிங்ஸ்லி, சுனில் ரெட்டி, போன்ற முக்கிய நடிகர்களும் இப்படத்தில் நடித்துள்ளனர். டி.இமான் இப்படத்திற்கு இசையமைக்கவுள்ளார். இந்த படத்தை டிமான்ட்டி காலனி 2 படத்தை தயாரித்துள்ள பி டி ஜி யுனிவர்சல் நிறுவனம் தயாரித்திருக்கிறது. வைபவ் விஜய் நடிப்பில் உருவாகி இருக்கும் தி கோட் திரைப்படத்திலும் முக்கிய கதாபாத்திரத்தில் நடித்துள்ளார்.
இந்த படத்தின் நகைச்சுவை டீசர் வெளியாகி வைரலானது. இந்நிலையில் படத்தின் 'மெய்யா மும்மாரி' முதல் பாடலை படக்குழுவினர் வெளியிட்டுள்ளனர். இந்த பாடலை கார்த்திக் பாடியுள்ள நிலையில் கார்த்திக் நேதா பாடல் வரிகளை எழுதி இருக்கிறார். இந்த பாடல் இணையத்தில் வைரலாகி வருகிறது. விரைவில் திரைப்படம் வெளியாகும் என எதிர்பார்க்கப்படுகிறது.
Get into the vibe now, along with the gang! #MeyyaMummari, the first single from #ChennaiCityGangsters out now! ▶️ https://t.co/cvBH2tM2PfAn @immancomposer musical.@BTGUniversal@bbobby@ManojBeno@actor_vaibhav@AthulyaOfficial@Mani_Rajeshh#VikramRajeshwar#ArunKeshav… pic.twitter.com/uvlkbqvAsw
— BTG Universal (@BTGUniversal) August 21, 2024