சௌபின் சாகிர் பிறந்தநாள்: லோகேஷ் கனகராஜ் வாழ்த்து!

கூலி படப்பிடிப்பு புகைப்படத்தை வெளியிட்டு நடிகர் சௌபின் சாகிருக்கு வாழ்த்து தெரிவித்துள்ளார் லோலேஷ் கனகராஜ்.

நடிகர் சௌபின் சாகிர் தென்னிந்தியளவில் பிரபலமான நடிகர். மலையாள சினிமாக்களில் தொடர்ந்து நடித்து வருகிறார்.

இவரே தயாரித்து, நடித்த மஞ்ஞுமல் பாய்ஸ் திரைப்படம் மிகப்பெரிய வெற்றியைப் பெற்றதுடன் ரூ. 200 கோடிக்கும் அதிகமாக வசூலித்து மலையாள சினிமாவுக்கு புதிய சாதனை பெற்றுத்தந்தது. தொடர்ந்து, டொவினோ தாமஸுடன் நடிகன் படத்தில் நடித்தார். அப்படம், தோல்விப்படமானது.

இதையும் படிக்க: குத்துச்சண்டை வீரராக ஆண்டனி வர்கீஸ்!

தற்போது, இயக்குநர் லோகேஷ் கனகராஜ் இயக்கத்தில் கூலி படத்தில் தயாள் என்கிற கதாபாத்திரத்தில் நடித்து வருகிறார். இன்று அவருக்கு பிறந்தநாள் என்பதால் பலரும் வாழ்த்து தெரிவித்து வருகின்றனர்.

Working with you in #Coolie has been an enthralling experience #SoubinShahir sir ❤️
Wishing you the absolute best and a very happy birthday sir ❤️ pic.twitter.com/aXtMzPTdzZ

— Lokesh Kanagaraj (@Dir_Lokesh) October 12, 2024

இந்த நிலையில், இயக்குநர் லோகேஷ் கனகராஜ் கூலி படப்பிடிப்பில் அவருடன் இருக்கும் புகைப்படத்தை வெளியிட்டு, “கூலி படத்தில் உங்களுடன் பணிபுரிவது சிறந்த அனுபவம். பிறந்தநாள் வாழ்த்துகள்” என பதிவிட்டுள்ளார்.