ஜம்மு-காஷ்மீரில் முதல் வெற்றியைப் பதிவு செய்த ஆம் ஆத்மி!

ஜம்மு-காஷ்மீர் தேர்தலில் ஒரு தொகுதியில் ஆம் ஆத்மி வெற்றி பெற்றுள்ளது.

ஜம்மு-காஷ்மீரில் 10 ஆண்டுகளுக்குப் பின், 90 பேரவைத் தொகுதிகளுக்கு மூன்று கட்டங்களாக (செப். 18, 25, அக்.1) தேர்தல் நடைபெற்ற நிலையில், வாக்கு எண்ணிக்கை இன்று(அக். 8) காலை தொடங்கி நடைபெற்று வருகிறது.

அதன்படி, ஜம்மு-காஷ்மீரில் காங்கிரஸ்-தேசிய மாநாட்டுக் கட்சி(இந்தியா கூட்டணி) ஆட்சி அமைக்கிறது.

தற்போதைய நிலவரப்படி, ஜம்மு-காஷ்மீர் தேசிய மாநாட்டுக் கட்சி 42 தொகுதிகளிலும் காங்கிரஸ் 6 தொகுதிகளிலும், பாஜக – 29, மக்கள் ஜனநாயகக் கட்சி – 3, ஆம் ஆத்மி – 1, இதர – 7 தொகுதிகளிலும் முன்னிலை பெற்று வருகிறது.

இதையும் படிக்க | வெற்றி பெற்றார் வினேஷ் போகத்!

இதில் தோடா பேரவைத் தொகுதியில் போட்டியிட்ட ஆம் ஆத்மி கட்சியைச் சேர்ந்த மெஹ்ராஜ் மாலிக், பாஜக வேட்பாளரைவிட 4,538 வாக்குகள் வித்தியாசத்தில் வெற்றி பெற்றுள்ளார்.

மெஹ்ராஜ் மாலிக் – 23, 228, பாஜகவின் கஜய் சிங் – 18,690, தேசிய மாநாட்டுக் கட்சியின் காலித் நஜிப் – 13,334 வாக்குகளும் பெற்றுள்ளனர்.

இதையடுத்து ஜம்மு- காஷ்மீரில் ஆம் ஆத்மி கட்சி தனது முதல் வெற்றியைப் பதிவு செய்துள்ளது.

ஹரியாணா தேர்தலிலும் தனித்துப் போட்டியிட்ட ஆம் ஆத்மி அங்கு ஒரு தொகுதியில்கூட வெற்றி பெறவில்லை என்பது குறிப்பிடத்தக்கது.