தலைமை தேர்தல் ஆணையர் ராஜீவ் குமார், டெல்லியில் இன்று செய்தியாளர்களை சந்தித்தார். அப்போது, ஜம்மு காஷ்மீர் மற்றும் அரியானா மாநிலங்களுக்கான சட்டசபை தேர்தல் தொடர்பான அறிவிப்பை வெளியிட்டார். அதன்படி ஜம்மு காஷ்மீரில் செப்டம்பர் 18, 25 மற்றும் அக்டோபர் 1-ம் தேதி என 3 கட்டங்களாக தேர்தல் நடைபெற உள்ளது. அதேபோல் அரியானாவில் ஒரே கட்டமாக அக்டோபர் 1-ம் தேதி தேர்தல் நடைபெற உள்ளது.
மேலும் இரு மாநிலங்களிலும் வாக்கு எண்ணிக்கை ஒரே நாளில் அதாவது அக்டோபர் 4-ம் தேதி நடைபெறும் எனவும் தேர்தல் ஆணையர் தெரிவித்தார். 10 ஆண்டுகளுக்குப் பிறகு ஜம்மு காஷ்மீரில் தேர்தல் நடைபெற உள்ளது குறிப்பிடத்தக்கது.