தங்கம் விலை வரலாறு காணாத உச்சம்… இன்றைய நிலவரம் என்ன?

வெள்ளி விலை கிராமுக்கு ரூ.2 உயர்ந்து ரூ.105-க்கு விற்பனை செய்யப்படுகிறது.

சென்னை,

கடந்த ஜூலை மாதம் வரை தொடர்ந்து அதிகரித்து கொண்டே வந்த தங்கம் விலை, அதே மாதம் 22-ந்தேதி தங்கத்தின் மீதான இறக்குமதி வரியை மத்திய அரசு குறைத்ததன் எதிரொலியாக அதன் விலை அன்றைய தினம் அதிரடியாக குறைந்தது. அதன் தொடர்ச்சியாக விலை குறைந்து கொண்டே வந்து ஒரு சவரன் ரூ.51 ஆயிரத்துக்கு கீழ் சென்றது. இதனால், நகை பிரியர்கள் மகிழ்ச்சி அடைந்தனர்.

ஆனால் இந்த ஆறுதல் சில நாட்கள் மட்டுமே நீடித்தது. கடந்த மாதம் இறுதியில் இருந்து மீண்டும் தங்கம் விலை உயர ஆரம்பித்து இருக்கிறது. அதிலும் கடந்த சில நாட்களாக தாறுமாறாக தங்கம் விலை உயர்ந்து வருகிறது.

இந்த நிலையில், இன்று தங்கம் விலை அதிரடியாக உயர்ந்து வரலாறு காணாத உச்சத்தை எட்டியுள்ளது. அதன்படி, சென்னையில் 22 கேரட் ஆபரண தங்கத்தின் விலை சவரனுக்கு ரூ.640 உயர்ந்து ரூ.57,920-க்கு விற்பனை செய்யப்படுகிறது. கிராமுக்கு ரூ.80 உயர்ந்து ரூ.7,240-க்கு விற்பனை செய்யப்படுகிறது. வெள்ளி விலை கிராமுக்கு ரூ.2 உயர்ந்து ரூ.105-க்கு விற்பனை செய்யப்படுகிறது.

தங்கம் விலை கடந்த 3 நாட்களில் மட்டும் சவரனுக்கு ரூ.1,160 உயர்ந்துள்ளது குறிப்பிடத்தக்கது.