தனுஷ் இயக்கத்தில் இறுதியாக வெளியான ராயன் திரைப்படம் விமர்சனங்களைச் சந்தித்தாலும், ரூ. 100 கோடிக்கும் அதிகமாக வசூலித்தது.
தொடர்ந்து, நிலவுக்கு என்மேல் என்னடி கோபம் படத்தை இயக்கி வருகிறார். இளம் தலைமுறையினரின் காதலைப் பேசும் படமாக உருவாகி வருகிறது. இப்படத்தில் இடம்பெற்ற கோல்டன் ஸ்பாரோ பாடல் ரசிகர்களிடம் வைரலானது.
தனுஷ் இயக்கும் 4-வது படத்தின் அறிவிப்பு சமீபத்தில் வெளியானது. டான் பிக்சர்ஸ் தயாரிக்கும் இப்படத்தை நடிகர் தனுஷ் இயக்கி, நடிக்கிறார்.
இதையும் படிக்க:பாடகி கெனிஷாவுடன் தொடர்பா? ஜெயம் ரவி ஆவேஷம்!
இந்தப் படத்திற்கு ’இட்லி கடை’ எனப் பெயரிட்டுள்ளனர். ஜி. வி. பிரகாஷ் குமார் இசையமைக்கிறார்.
இந்தப் படத்தில் ஷாலினி பாண்டே நடிப்பதாக தகவல் வெளியாகியுள்ளது.
ஏற்கனவே, இந்தப் படத்தில் நித்யா மேனன், பிரகாஷ் ராஜ், அருண் விஜய், அசோக் செல்வன் நடிக்கவுள்ளதாகவும் ஆங்கில ஊடகங்களில் தகவல்கள் தெரிவிக்கப்பட்டிருந்தன.
விரைவில் அதிகாரபூர்வ அறிவிப்பு வெளியாகுமென எதிர்பார்க்கப்படுகிறது.
இதையும் படிக்க:பாலியல் வன்கொடுமை: குற்றத்தை ஒப்புக்கொண்ட ஜானி மாஸ்டர்!
யார் இந்த ஷாலினி பாண்டே?
அர்ஜுன் ரெட்டி படத்தில் அறிமுகமாகி பிரபலமானவர் நடிகை ஷாலினி பாண்டே. தமிழில் 100% காதல், கொரில்லா ஆகிய படங்களில் நடித்துள்ளார்.
தெலுங்கு, ஹிந்தியில் பல படங்களில் நடித்துள்ள ஷாலினி பாண்டேவின் 2 புதிய இணையத் தொடர்கள் விரைவில் வெளியாகவுள்ளன.