துல்கர் சல்மானின் காந்தா பட பூஜை!

நடிகர் துல்கர் சல்மான் நடிக்கும் புதிய படத்தின் பூஜை இன்று நடைபெற்றது.

நடிகர் துல்கர் சல்மான் இயக்குநர் வெங்கி அட்லூரி இயக்கத்தில் லக்கி பாஸ்கர் என்கிற படத்தில் நடித்து முடித்துள்ளார். இப்படத்தில் நாயகியாக மீனாட்சி செளத்ரி நடித்திருக்கிறார். ஜிவி பிரகாஷ்குமார் இசையமைக்கிறார்.

இப்படம் வருகிற அக்டோபர் 31 ஆம் தேதி வெளியாகும் என தயாரிப்பு நிறுவனம் அறிவித்துள்ளது.

இந்த நிலையில், துல்கர் அடுத்து நாயகனாக நடிக்கும் படத்தின் பூஜை இன்று நடைபெற்றது. காந்தா எனப் பெயரிடப்பட்டுள்ள இப்படத்தை செல்வராஜ் செல்வமணி இயக்குகிறார். பாக்யஸ்ரீ போர்ஸ் நாயகியாகவும் நடிகர் சமுத்திரகனி முக்கிய கதாபாத்திரத்திலும் நடிக்கின்றனர். ராணா டக்குபதி மற்றும் துல்கர் சல்மான் இணைந்து தயாரிக்கின்றனர்.

திரைப்படத் தயாரிப்பாளர் டில்லி பாபு காலமானார்!