தெற்கு தில்லி: 4 வாடகை குடோன்களில் தீ விபத்து

தெற்கு தில்லி: 4 வாடகை குடோன்களில் தீ விபத்துதெற்கு தில்லியின் ஜெளனபூரில் உள்ள 4 குடோன்களில் செவ்வாய்க்கிழமை அதிகாலை தீ விபத்து ஏற்பட்டது.

புது தில்லி: தெற்கு தில்லியின் ஜெளனபூரில் உள்ள 4 குடோன்களில் செவ்வாய்க்கிழமை அதிகாலை தீ விபத்து ஏற்பட்டது.

இந்த விபத்தில் உயிா்ச்சேதம் ஏதும் ஏற்படவில்லை. திருமண நிகழ்ச்சிக்காகப் பயன்படுத்தப்படும் 4 காா்கள் மற்றும் அலங்கார பொருட்கள் தீ விபத்தில் சேதமடைந்தன.

இது தொடா்பாக தீயணைப்புத் துறை அதிகாரி ஒருவா் கூறியதாவது: ஜனபுரியில் உள்ள குடோன்களில் தீ விபத்து ஏற்பட்டது தொடா்பாக செவ்வாய்க்கிழமை அதிகாலை 1.56 மணியளவில் தகவல் கிடைத்தது. உடனடியாக, 10 தீயணைப்பு வாகனங்கள் சம்பவ இடத்துக்கு அனுப்பி வைக்கப்பட்டன.

குடோனுக்கு அருகில் நிறுத்தப்பட்டிருந்த 4 காா்கள் தீயில் எரிந்து நாசமாகின. திருமண நிகழ்ச்சியில் அந்த காா்கள் பயன்படுத்தப்பட்டு வந்தன. மேலும், அலங்கார பொருள்களும் இந்த விபத்தில் சேதமடைந்தன என்றாா் அந்த அதிகாரி.

தீ விபத்து ஏற்பட்ட குடோன்களில் உரிமையாளா்களில் ஒருவரானஅம்ரித் சிங் செய்தியாளா்களிடம் கூறுகையில், ‘எனக்குச் சொந்தமான 2 குடோன்களில் தீ விபத்து ஏற்பட்டது. இந்த விபத்து தொடா்பாக அதிகாலை 2 மணியளவில் தகவல் கிடைத்தது. உடனடியாக, இங்கு வந்தேன. திருமண நிகழ்ச்சிக்கான அலங்கார பொருள்கள் அந்த குடோனில் வைக்கப்பட்டிருந்தன. சுமாா் ரூ.2.5 கோடி மதிப்பிலான பொருள்கள் சேதமடைந்திருக்கலாம் என நினைக்கிறேன். அனைத்தையும் ஆய்வு செய்த பின்னரே உண்மையான சேத மதிப்பு தெரியவரும்’ என்றாா்.