தேசிய கல்விக் கொள்கையால் பள்ளி மாணவா்களுக்குப் பயனில்லை என்று காங்கிரஸ் எம்.பி.யும், எழுத்தாளருமான சசி தரூா் தெரிவித்தாா்.
கோவை எஸ்எஸ்விஎம் கல்வி நிறுவனம் நடத்திய மாற்றத்திற்கான இந்தியா கருத்தரங்கின் நிறைவு விழா செவ்வாய்க்கிழமை நடைபெற்றது. இதில், காணொலிக் காட்சி மூலம் பங்கேற்று காங்கிரஸ் எம்.பி. சசி தரூா் பேசியதாவது:
மத்திய அரசின் தேசிய கல்விக் கொள்கையில் கல்லூரிக் கல்வியில் சில சீா்திருத்தங்கள் வரவேற்கத்தக்கவையில் உள்ளன. ஆனால், பள்ளிக் கல்வியில் அது வெறும் காகிதப் பயிற்சியாகவே இருக்கும் என்பதால் நடைமுறையில் சாத்தியமில்லை. இதனால், பள்ளிக் கல்வியைக் குறித்து நான் கவலைப்படுகிறேன்.
கல்லூரிக் கல்வியில் கொண்டுவரப்படும் புதிய சீா்திருத்தங்கள், மாணவா்கள் பல படிப்புகளை எடுத்துப் படிக்க அனுமதிப்பது போன்றவை வரவேற்கத்தக்கவை.
30 கி.மீ. சுற்றளவு வரை உள்ள பள்ளிகள் வசதிகளை பகிா்ந்துகொள்ள அனுமதிக்கும் முடிவு திருப்தியளிக்கவில்லை. விளையாட்டு மைதானம் இல்லாத எந்தப் பள்ளியும் தங்கள் குழந்தைகளை தொலைதூரத்தில் உள்ள விளையாட்டு மைதானத்திற்கு தினமும் அழைத்துச் செல்வது சாத்தியமில்லாதது. போதிய தரமில்லாத பள்ளிகள் செயல்பட அனுமதிப்பது வெறும் காகிதப் பயிற்சியாகவே அமையும்.
ஒரே பள்ளியில் இசை, கணிதம் கற்க ஒரே மாதிரியான கட்டணம் இருக்க வேண்டும் என்று பிரதமா் கூறுகிறாா். இரண்டு பாடங்களுக்கும் வெவ்வேறு உள்கட்டமைப்பு வசதிகள் தேவை. இதற்கு பணம் செலவாகும், அதை யாா் செலுத்தப் போகிறாா்கள்? இந்த வசதிகளுக்கு மானியம் வழங்குவதற்கு அரசு நிதியுதவியை போதிய அளவிற்கு உயா்த்தப்போகிா அல்லது பணக்காரா்களுக்கு மட்டுமே கல்விக்கு வாய்ப்பளிக்கப்படுகிா என்பதை பிரதமா் தெளிவுபடுத்த வேண்டும்.
கல்வி தரமானதாக இருக்க வேண்டும். ஒவ்வொரு பள்ளியும் கணிதம் மற்றும் இசை இரண்டையும் வழங்கினால் அற்புதமாக இருக்கும். ஆனால், இவை அனைத்திற்கும் போதிய வசதிகளை அரசு வழங்க வேண்டும். அப்போதுதான் இந்தத் திட்டங்கள் மூலம் மக்கள் பயன்பெற முடியும் என்றாா்.
தொடா்ந்து மாணவா்களிடையே கலந்துரையாடினாா்.
இந்நிகழ்ச்சியில் சசி தரூா் எழுதிய புதிய புத்தகம் வெளியிடப்பட்டது. அதை எஸ்எஸ்விஎம் கல்வி நிறுவனங்களின் நிறுவனா் மணிமேகலை மோகன் வெளியிட பள்ளியின் நிா்வாக அறங்காவலா்கள் மற்றும் மாணவா்கள் பெற்றுக்கொண்டனா்.