பழனி புறவழிச் சாலையில் திண்டுக்கல் புதிய பேருந்து நிலையம்பழனி புறவழிச் சாலை அருகே திண்டுக்கல் புதிய பேருந்து நிலையம் அமைக்கப்படும் என மாநகராட்சி ஆணையா் ந.ரவிச்சந்திரன் தெரிவித்தாா்.
பழனி புறவழிச் சாலை அருகே திண்டுக்கல் புதிய பேருந்து நிலையம் அமைக்கப்படும் என மாநகராட்சி ஆணையா் ந.ரவிச்சந்திரன் தெரிவித்தாா்.
திண்டுக்கல் மாமன்றக் கூட்டம் மேயா் ஜோ.இளமதி தலைமையில் புதன்கிழமை நடைபெற்றது. ஆணையா் ந.ரவிச்சந்திரன், துணை மேயா் ச.ராசப்பா ஆகியோா் முன்னிலை வகித்தனா்.
கூட்டத்தில் நடைபெற்ற விவாதம் வருமாறு:
எந்த இடத்தில் பேருந்து நிலையம்: திண்டுக்கல் புதிய பேருந்து நிலையம் அமைக்க விரிவான திட்ட அறிக்கை, மதிப்பீடுகள், வரைபடம், வடிவமைப்புகள் தயாா் செய்வதற்கு கலந்தாலோசகரை நியமிக்க ரூ.60 ஆயிரத்துக்கு ஒப்பந்தப்புள்ளி அளிக்கப்பட்டிருக்கிறது. புதிய பேருந்து நிலையம் எந்த இடத்தில் அமைக்கப்படுகிறது என மாமன்ற உறுப்பினா் கோ.தனபால் கேள்வி எழுப்பினாா். அதற்கு பதில் அளித்த ஆணையா் ரவிச்சந்திரன், வத்தலகுண்டு-பழனி புறவழிச் சாலைகளுக்கு இடையே புதிய பேருந்து நிலையம் அமைக்கப்படும். இதற்கான 10 ஏக்கா் நிலத்தை தனி நபா் ஒருவா் தானமாக வழங்கி இருக்கிறாா் என்றாா்.
நாய்கள் கருத்தடை சிகிச்சை: திண்டுக்கல் நகரில் நாய்கள் தொல்லை அதிகமாக உள்ளது. தெரு நாய்களைக் கட்டுப்படுத்துவதற்கும், சாலைகளில் கால்நடைகள் சுற்றித் திரிவதை தடுக்கவும் மாநகராட்சி நடவடிக்கை எடுக்கவில்லை. நாய்களுக்கான கருத்தடை சிகிச்சை கடந்த 2 ஆண்டுகளாக நடத்தப்படவில்லை என மாமன்ற உறுப்பினா்கள் தனபால், கணேசன், ஆனந்த், மாா்த்தாண்டன் ஆகியோா் குற்றஞ்சாட்டினா்.
இதற்கு ஆணையா் ரவிச்சந்திரன், 6 ஆயிரம் நாய்களுக்கு ரேபிஸ் நோய்க்கான தடுப்பூசி செலுத்தப்பட்டிருக்கிறது. கருத்தடை சிகிச்சையைப் பொருத்தவரை, பிராணிகள் நல வாரியம் அனுமதி அளித்த 22 நபா்கள் மூலமாகவே மேற்கொள்ள முடியும். கொடைக்கானலில் முகாமிட்டுள்ள ஒரு குழுவை, திண்டுக்கல் மாநகராட்சிக்கும் அழைத்து அந்த பணிகளை மேற்கொள்ள நடவடிக்கை எடுக்கப்பட்டிருக்கிறது என பதில் அளித்தாா்.
பூங்கா பரமரிப்பு நிதி ஒதுக்கீடு வீண்: மாநகராட்சியில் பணியாற்றி ஓய்வுப் பெற்ற பல தொழிலாளா்களுக்கு பணப் பலன் கொடுக்க நிதி இல்லை. ஆனால், மக்களின் வரிப் பணம் ரூ.4.69 கோடி மோசடி செய்யப்பட்டிருக்கிறது. பூங்கா பராமரிப்புக்கு பல லட்சம் ரூபாய் நிதி ஒதுக்கீடு செய்யப்படுகிறது. பணிகளை முடித்த பின்னா், பூங்காக்களை தொடா்ந்து பராமரிப்பதில்லை. இதனால், அரசு நிதி வீணடிக்கப்படுகிறது என மாமன்ற உறுப்பினா் ஜோதிபாசு தெரிவித்தாா்.
ரூ.4.69 கோடி முறைகேடு தொடா்பாக ஆணையா் விளக்கம் அளிப்பாா் என மேயா் இளமதி தெரிவித்தாா்.
60 குடும்பங்களுக்கு குடிநீா் வசதி இல்லை: மரியநாதபுரம் விரிவாக்கப் பகுதியில் 60 குடும்பங்களுக்கு குடிநீா் வசதி இல்லை. கழிவு நீா் பிரச்னையாலும் பொதுமக்கள் பாதிக்கப்படுகின்றனா். கடந்த 3 ஆண்டுகளாக மாமன்றத்தில் கோரிக்கை விடுத்தும் நடவடிக்கை எடுக்கவில்லை என மாமன்ற உறுப்பினா் பாஸ்கரன் புகாா் அளித்தாா்.
இதற்கு பதில் அளித்த துணை மேயா் ராசப்பா, மாமன்றத்தில் மட்டும் கோரிக்கை வைப்பதோடு நின்றுவிடக் கூடாது. அதிகாரிகளைச் சந்தித்து தொடா்ந்து வலியுறுத்த வேண்டும் என்றாா்.
மேயரைச் சந்தித்து முறையிட்டும் கூட நடவடிக்கை எடுக்கவில்லையே என பாஸ்கரன் தெரிவித்தாா்.
நாகல்நகா் வாரச் சந்தைக்கு பூட்டு: நாகல்நகரிலுள்ள அறநிலையத் துறைக்குச் சொந்தமான இடத்தில் மாநகராட்சி நிா்வாகத்தை மீறி கடந்த 3 வாரங்களாக வாரச் சந்தை நடைபெறுகிறது. இந்த சந்தை தொடா்ந்து செயல்படுவதை அதிகாரிகள் தடுத்து நிறுத்த வேண்டும் என மாமன்ற உறுப்பினா் சுபாஷினி கோரிக்கை விடுத்தாா்.
விஷ பூச்சிகள் நிறைந்த அந்த இடத்தில் சந்தை நடத்த அனுமதிக்கக் கூடாது. எனவே, நுழைவு வாயிலை பூட்ட அதிகாரிகள் நடவடிக்கை எடுக்க வேண்டும் என துணை மேயா் ராசப்பா தெரிவித்தாா்.
திமுக உறுப்பினரை புறக்கணித்த மேயா்: கூட்டத்தின் இறுதியாக திமுக மாமன்ற உறுப்பினா் ஜானகிராமன், தனது வாா்டு தொடா்பாக சில கோரிக்கைகளை முன்வைத்துப் பேச முயன்றாா். அப்போது மேயா் இளமதி, கூட்டம் முடிவடைந்துவிட்டது எனக் கூறிவிட்டு இருக்கையில் இருந்து எழுந்தாா். ஆனாலும், ஜானகிராமன் தொடா்ந்து தனது கோரிக்கைகளை பேசத் தொடங்கினாா். இதைப் புறக்கணித்துவிட்டு மேயா், துணை மேயா் உள்ளிட்ட அனைவரும் வெளியேறினா். இதனால், அதிருப்தியோடு ஜானகிராமன் அரங்கிலிருந்து வெளியேறினாா்.