பிரெஞ்சு ஓபன் டென்னிஸ்: அல்காரஸ், சிட்சிபாஸ் கால் இறுதிக்கு முன்னேற்றம்

பிரெஞ்சு ஓபன் டென்னிஸ் கால்இறுதியில் அல்காரசும், சிட்சிபாசும் மோதுகின்றனர்.

பாரீஸ்,

'கிராண்ட்ஸ்லாம்' என்ற உயரிய அந்தஸ்து பெற்ற பிரெஞ்ச் ஓபன் டென்னிஸ் போட்டி பாரீசில் களிமண் தரை மைதானங்களில் நடந்து வருகிறது. இதில் ஆண்கள் ஒற்றையர் பிரிவில் நேற்று நடந்த 4-வது சுற்று ஆட்டம் ஒன்றில் 3-ம் நிலை வீரர் கார்லஸ் அல்காரஸ் (ஸ்பெயின்), அலியாசிம்முடன் (கனடா) மோதினார்.

இந்த போட்டியில் அல்காரஸ் 6-3, 6-3, 6-1 என்ற நேர் செட்டில் அலியாசிம்மை வீழ்த்தி தொடர்ந்து 3-வது முறையாக கால்இறுதிக்குள் நுழைந்தார். மற்றொரு ஆட்டத்தில் சிட்சிபாஸ் (கிரீஸ்) சரிவில் இருந்து மீண்டு வந்து 3-6, 7-6 (7-4), 6-2, 6-2 என்ற செட்டில் இத்தாலியின் அர்னால்டியை வெளியேற்றினார். கால்இறுதியில் அல்காரசும், சிட்சிபாசும் கோதாவில் இறங்குகிறார்கள்.