ஆஸ்திரேலியாவுக்கு எதிரான முதல் ஒருநாள் போட்டியில் முதலில் பேட் செய்த இங்கிலாந்து அணி 315 ரன்களுக்கு ஆட்டமிழந்தது.
இங்கிலாந்து மற்றும் ஆஸ்திரேலிய அணிக்கு இடையேயான முதல் ஒருநாள் போட்டி டிரண்ட் பிரிட்ஜில் இன்று (செப்டம்பர் 19) நடைபெற்று வருகிறது.
இந்தப் போட்டியில் டாஸ் வென்ற இங்கிலாந்து அணியின் கேப்டன் ஹாரி ப்ரூக் பேட்டிங்கைத் தேர்வு செய்தார். இதனையடுத்து, இங்கிலாந்து அணி முதலில் பேட் செய்தது.
கௌதம் கம்பீர் இந்திய அணியை சிறப்பாக வழிநடத்துவார்: ராகுல் டிராவிட்
315 ரன்களுக்கு ஆட்டமிழப்பு
இங்கிலாந்து அணியில் தொடக்க ஆட்டக்காரர்களாக பில் சால்ட் மற்றும் பென் டக்கெட் களமிறங்கினர். பில் சால்ட் 17 ரன்களில் ஆட்டமிழந்தார். இதனையடுத்து, வில் ஜாக்ஸ் மற்றும் பென் டக்கெட் ஜோடி சேர்ந்தனர். இந்த இணை அதிரடியாக விளையாடி ரன்கள் சேர்த்தது. சிறப்பாக விளையாடிய இருவரும் அரைசதம் கடந்து அசத்தினர். வில் ஜாக்ஸ் 56 பந்துகளில் 62 ரன்கள் எடுத்து ஆட்டமிழந்தார். அதில் 5 பவுண்டரிகள் மற்றும் 2 சிக்ஸர்கள் அடங்கும். அதிரடியான ஆட்டத்தை வெளிப்படுத்திய பென் டக்கெட் 5 ரன்களில் சதம் விளாசும் வாய்ப்பை தவறவிட்டார். அவர் 91 பந்துகளில் 95 ரன்கள் எடுத்து ஆட்டமிழந்தார். அதில் 11 பவுண்டரிகள் அடங்கும்.
கேப்டன் ஹாரி ப்ரூக் (39 ரன்கள்), ஜேமி ஸ்மித் (23 ரன்கள்), ஜேக்கோப் பெத்தெல் (35 ரன்கள்), லியம் லிவிங்ஸ்டன் (13 ரன்கள்) எடுத்து ஆட்டமிழந்தனர். இங்கிலாந்து அணி 49.4 ஓவர்களின் முடிவில் 315 ரன்களுக்கு அனைத்து விக்கெட்டுகளையும் இழந்தது.
அஸ்வின், ஜடேஜா அதிரடி: முதல் நாளில் இந்தியா 339 ரன்கள் குவிப்பு!
ஆஸ்திரேலியா தரப்பில் ஆடம் ஸாம்பா மற்றும் மார்னஸ் லபுஷேன் தலா 3 விக்கெட்டுகளைக் கைப்பற்றினர். டிராவிஸ் ஹெட் 2 விக்கெட்டுகளையும், துவார்ஷூயிஸ் மற்றும் மேத்யூ ஷார்ட் தலா ஒரு விக்கெட்டினையும் கைப்பற்றினர்.
316 ரன்கள் எடுத்தால் வெற்றி என்ற இலக்கை நோக்கி ஆஸ்திரேலிய அணி விளையாடி வருகிறது.