மதுரையில் இருந்து பெங்களூருவுக்கு நாளை முதல் வந்தே பாரத் சிறப்பு ரெயில் சேவை

செவ்வாய்க்கிழமை தவிர்த்து, நாளை முதல் அடுத்த மாதம் (ஜூலை) 29-ந்தேதி வரை இயக்க திட்டமிடப்பட்டுள்ளது.

திருச்சி,

மதுரையில் இருந்து திருச்சி வழியாக பெங்களூருவுக்கு வந்தே பாரத் சிறப்பு ரெயில் இயக்கப்பட உள்ளது. இந்த ரெயில் செவ்வாய்க்கிழமை தவிர்த்து, நாளை (புதன்கிழமை) முதல் அடுத்த மாதம் (ஜூலை) 29-ந்தேதி வரை இயக்க திட்டமிடப்பட்டுள்ளது.

அதன்படி, மதுரையில் இருந்து நாளை (புதன்கிழமை) முதல் அதிகாலை 5.15 மணிக்கு புறப்படும் இந்த ரெயில், திருச்சிக்கு காலை 7 மணிக்கு வந்து பின்னர் 7.12 மணிக்கு புறப்பட்டு கரூர், சேலம் வழியாக சென்று, பெங்களூருவுக்கு மதியம் 1 மணிக்கு சென்றடையும்.

இதேபோல் மறுமார்க்கமாக, மதியம் 1.45 மணிக்கு பெங்களூருவில் இருந்து புறப்படும் இந்த ரெயில், திருச்சிக்கு இரவு 7.35 மணிக்கு வந்து 7.40 மணிக்கு புறப்பட்டு செல்லும் அதன் பின்னர் மதுரைக்கு இரவு 9.45 மணிக்கு சென்றடையும்.