மிலாடி நபி தினத்தில் மது விற்றால் நடவடிக்கை: ஆட்சியர் எச்சரிக்கை
சென்னை: மிலாடி நபி தினமான செப்.17-ம் தேதி மதுபானம் விற்றால் கடும் நடவடிக்கை எடுக்கப்படும் என்றும் சென்னை மாவட்ட ஆட்சியர் ரஷ்மி சித்தார்த் ஜகடே தெரிவித்துள்ளார்.
இது குறித்து அவர் நேற்று வெளியிட்ட செய்திக்குறிப்பு: செப்.17ம் தேதி மிலாடி நபி தினத்தை முன்னிட்டு, சென்னை மாவட்டத்தில் உள்ள அனைத்து டாஸ்மாக் எப்எல் 1 மதுபான சில்லறை விற்பனைக் கடைகள் மற்றும் அதை சேர்ந்த பார்கள், எப்எல் 2 உரிமம் கொண்ட கிளப்களை சேர்ந்த பார்கள், எப்எல் 3 உரிமம் கொண்ட ஓட்டல்களை சேர்ந்த பார்கள் மற்றும் எப்எல் 3 (ஏ), எப்எல் 3 (ஏஏ) உரிமம் கொண்டபார்கள் கண்டிப்பாக மூடப்பட்டிருக்க வேண்டும். மீறினால், மதுபான விற்பனை விதிகள்படி கடும் நடவடிக்கை எடுக்கப்படும்.” என்று செய்திக்குறிப்பில் கூறப்பட்டுள்ளது.