மேட்டூர் அணைக்கு வரும் நீர்வரத்து 20,505 கன அடியாக அதிகரித்துள்ளது.
சேலம்,
காவிரி நீர்ப்பிடிப்பு பகுதிகளில் பெய்து வரும் கனமழையின் காரணமாக மேட்டூர் அணைக்கு வரும் நீர்வரத்து அதிகரித்துள்ளது. இதன்படி மேட்டூர் அணைக்கான நீர்வரத்து இன்று வினாடிக்கு 6,548 கன அடியில் இருந்து 20,505 கன அடியாக உயர்ந்துள்ளது.
மேட்டூர் அணையின் நீர்மட்டம் 119.24 அடியில் இருந்து 119.65 அடியாக அதிகரித்துள்ளது. அணையில் தற்போது 92.91 டி.எம்.சி. அளவு நீர் இருப்பு உள்ளது. பாசன தேவைக்காக மேட்டூர் அணையில் இருந்து 12,000 கனஅடி தண்ணீர் வெளியேற்றப்பட்டு வருகிறது.