மேட்டூர் அணைக்கு நீர்வரத்து வினாடிக்கு 11,736 கனஅடியாக குறைந்துள்ளது.
காவிரியின் நீர்ப்பிடிப்பு பகுதிகளில் பெய்து வரும் மழையின் அளவு குறைந்ததன் காரணமாக மேட்டூர் அணைக்கு வரும் நீரின் அளவு தொடர்ந்து குறைந்து வருகிறது.
தேவாரம் அருகே டிராக்டர் கவிழ்ந்து 3 சிறுவர்கள் பலி
அதன்படி இன்று காலை அணையின் நீர்வரத்து வினாடிக்கு 16,194 கனஅடியிலிருந்து வினாடிக்கு 11,736 கனஅடியாக குறைந்துள்ளது.
மேட்டூர் அணையிலிருந்து காவிரி டெல்டா பாசனத்திற்கு வினாடிக்கு 19,000 கனஅடி வீதம் தண்ணீர் திறக்கப்பட்டு வருகிறது.
கிழக்கு மேற்கு கால்வாய் பாசனத்திற்கு வினாடிக்கு 700 கனஅடி வீதம் தண்ணீர் திறக்கப்பட்டு வருகிறது.
அணையின் நீர்மட்டம் 115.93 அடியிலிருந்து 115.45 அடியாக குறைந்துள்ளது. நீர் இருப்பு 86.39 டிஎம்சியாக உள்ளது.