மொத்த உள்நாட்டு உற்பத்தியில் தமிழகம் 2-ஆவது இடம் வகிப்பதாக மாநில அரசு தெரிவித்துள்ளது.
இது குறித்து திட்டம் மற்றும் வளா்ச்சித் துறை சாா்பில் திங்கள்கிழமை வெளியிடப்பட்ட செய்திக் குறிப்பில், 2022-23-ஆம் நிதியாண்டில் மாநில மொத்த உள்நாட்டு உற்பத்தி மதிப்பில் மகாராஷ்டிர மாநிலத்துக்கு அடுத்தபடியாக தமிழகம் 2-ஆவது இடத்தில் உள்ளது. 2023-24-ஆம் ஆண்டில் சில மாநிலங்களுக்கான மொத்த உள்நாட்டு உற்பத்தித் தரவுகள் வெளியிடப்படவில்லை.
தமிழ்நாட்டின் பணவீக்க விகிதங்கள் 2022-23-ஆம் நிதியாண்டில் 5.97 சதவீதமாகவும், 2023-24-ஆம் ஆண்டில் 5.37 சதவீதமாகவும் இருந்தன.
இதே காலகட்டத்தில் அகில இந்திய பணவீக்க விகிதங்கள் 6.65 மற்றும் 5.38 சதவீதமாக இருந்தன எனத் தெரிவிக்கப்பட்டுள்ளது.