லப்பர் பந்து ஓடிடி வெளியீடு ஒத்திவைப்பு!

லப்பர் பந்து திரைப்படத்தின் ஓடிடி வெளியீடு ஒத்திவைக்கப்பட்டுள்ளது.

அறிமுக இயக்குநர் தமிழரசன் பச்சமுத்து இயக்கத்தில் நடிகர்கள் அட்டகத்தி தினேஷ், ஹரிஷ் கல்யாண் நடிப்பில் உள்ளூர் அளவிலான ரப்பர் பந்து கிரிக்கெட்டையும் குடும்பத்தையும் மையமாக வைத்து இப்படம் உருவாக்கப்பட்டிருந்தது.

செப். 20 ஆம் தேதி வெளியான இப்படத்தில் மறைந்த நடிகர் விஜயகாந்த் குறித்த காட்சிகள், இளையராஜா பாடல்கள், அட்டகத்தி தினேஷ் கதாபாத்திரம் என வரவேற்பைப் பெறக்கூடிய விஷயங்கள் இடம் பெற்றிருந்தன.

இதையும் படிக்க: இதுவரை நடிக்காத கதாபாத்திரத்தில் நடிக்கிறேன்..! இட்லி கடை குறித்து நித்யா!

ரூ. 8 கோடி பட்ஜெட்டுக்குள் உருவான இப்படம் இதுவரை ரூ. 38 கோடிக்கும் அதிகமாக வசூலித்துள்ளதாகக் கூறப்படுகிறது. இதனால், லப்பர் பந்து இந்தாண்டின் சிறந்த வெற்றிப் படங்களில் ஒன்றாக மாறியுள்ளது. இப்படம் வருகிற அக்.18 ஆம் தேதி சிம்பிளி சௌத் ஓடிடி தளத்தில் வெளியாக இருந்தது.

Since Lubber Pandhu is still performing exceptionally well in theaters, we are postponing its streaming release. The new streaming date will be announced later on our social media handles.
Follow us and keep the notifications ON for the streaming announcement. pic.twitter.com/r6VhWyDjyt

— Simply South (@SimplySouthApp) October 16, 2024

இந்த நிலையில், இப்படம் இன்னும் திரையரங்குகளில் நல்ல வசூலைப் பெற்று வருவதால், இதன் ஓடிடி தேதியை ஒத்திவைப்பதாகவும் விரைவில் புதிய தேதியை அறிவிப்பதாகவும் சிம்பிளி சௌத் நிறுவனம் அறிவித்துள்ளது.